Delhi Assembly Election Result 2025: दिल्लीत तब्बल 27 वर्षानंतर BJP ची सत्ता येण्याची शक्यता; निवडणूक आयोगाच्या ट्रेंडनुसार पक्ष 45 जागांवर आघाडीवर
सुरुवातीच्या अंदाजानुसार, भाजप 45 जागांवर आघाडीवर आहे, तर प्रमुख विरोधी पक्ष आम आदमी पक्ष सध्या 25 जागांवर आघाडीवर आहे. काँग्रेसबद्दल बोलायचे झाले तर, निवडणूक आयोगाच्या मते, आतापर्यंत काँग्रेस कोणत्याही जागेवर आघाडीवर नाही.
Delhi Assembly Election Result 2025: दिल्ली विधानसभा निवडणुकीच्या 70 जागांसाठी मतमोजणी सुरू आहे. यामध्ये भाजपने सातत्याने आघाडी कायम ठेवली आहे. सुरुवातीच्या अंदाजानुसार, भाजप 46 जागांवर आघाडीवर आहे, तर प्रमुख विरोधी पक्ष आम आदमी पक्ष सध्या 24 जागांवर आघाडीवर आहे. काँग्रेसबद्दल बोलायचे झाले तर, निवडणूक आयोगाच्या मते, आतापर्यंत काँग्रेस कोणत्याही जागेवर आघाडीवर नाही आणि असा अंदाज आहे की यावेळीही काँग्रेस आपले खाते उघडू शकणार नाही. सुरुवातीच्या कलांमध्ये, मुस्लिम जागांवरही भाजप आघाडीवर आहे.
सर्वात मोठी गोष्ट म्हणजे आम आदमी पक्षाचे जवळजवळ सर्व मोठे नेते सुरुवातीच्या फेऱ्यांपासून मागे पडले आहेत. मुख्यमंत्री आतिशी पहिल्या फेरीपासून पिछाडीवर आहेत यामध्ये हायटेक मानल्या जाणाऱ्या नवी दिल्ली विधानसभा जागेवरून अरविंद केजरीवाल देखील पिछाडीवर आहेत. जवळपास 27 वर्षांनंतर दिल्लीत सत्ता मिळवण्याच्या दिशेने वाटचाल करणाऱ्या भाजपने त्यांच्या अधिकृत एक्स हँडलवरून एक पोस्टर जारी करून दिल्लीतील जनतेला आपला संदेश दिला आहे. या पोस्टरवर लिहिले आहे, ‘दिल्लीत येत आहे भाजपा’. दिल्ली निवडणुकीच्या निकालांचे अधिकृत ट्रेंड राष्ट्रीय राजधानीत भाजपचे पुनरागमन दर्शवत असल्याने, आता भाजप कार्यालयात जल्लोष व उत्सव सुरु आहे.
Delhi Assembly Election Result 2025:
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)