बिहारमधील मुझफ्फरपूरमध्ये प्रेयसीला भेटण्यासाठी गुपचूप आलेल्या एका तरुणाला बेदम मारहाण करून त्याचे गुप्तांग कापल्याची घटना समोर आली आहे. याप्रकरणी पीडित तरुणाने प्रेयसीचा भाऊ आणि आई-वडिलांविरोधात पोलिसांत तक्रार दाखल केली आहे. सध्या जखमी तरुणाला रुग्णालयात दाखल करण्यात आले असून, त्याची प्रकृती चिंताजनक आहे. तक्रारीच्या आधारे पोलीस या प्रकरणाचा तपास करत आहेत.

पोलिसांनी दिलेल्या माहितीनुसार, तरुणाचे एका तरुणीसोबत प्रेमसंबंध होते मात्र मुलीच्या कुटुंबियांना हे नाते मान्य नव्हते. एके दिवशी या मुलीने तरुणाला आपल्या घरी भेटण्यासाठी बोलावले. या तरुण प्रेयसीच्या घरी गेल्यानंतर तिच्या कुटुंबाला याची माहिती मिळाली. त्यानंतर प्रेयसीच्या घरच्यांनी प्रियकराला पकडून बेदम मारहाण केली. एवढेच नाही तर मुलीच्या कुटुंबीयांनी प्रियकराचा प्रायव्हेट पार्ट कापण्याचा प्रयत्नही केला. दुसरीकडे, तरुणीच्या कुटुंबीयांनी पोलिसांना दिलेल्या जबानीत सांगितले की, हा तरुण त्यांच्या घरात गुपचूप घुसला होता आणि मुलीसोबत अश्लील कृत्य करताना त्याला पकडले होते. (हेही वाचा: Delhi Metro Viral Video: दिल्ली मेट्रो मध्ये कपलचा अजून एक किळसवाणा व्हिडिओ आला समोर)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)