Bengaluru Shocker: बेंगळुरूमध्ये सीटी स्कॅनवेळी वृद्ध महिलेचा लैंगिक छळ; आरोपी कर्मचाऱ्याला अटक

बेंगळुरूमध्ये सीटी स्कॅन दरम्यान एका वृद्ध महिलेचा लैंगिक छळ झाल्याचा आरोप आहे. पोलिसांनी याबाबत माहिती दिली. कोडगेहल्ली पोलीस ठाण्याच्या हद्दीत ही घटना घडली. याप्रकरणी तक्रारीनंतर पोलिसांनी आरोपीला अटक केली आहे. अशोक असे आरोपीचे नाव असून तो हॉस्पिटलचा कर्मचारी आहे. पोलिसांनी दिलेल्या माहितीनुसार, 3 ऑगस्ट रोजी आजारी पडल्यानंतर महिलेला बेंगळुरू उत्तर भागातील एका नामांकित खाजगी रुग्णालयात दाखल करण्यात आले होते. आरोपीने दुसऱ्या दिवशी पहाटे पीडित महिलेला सीटी स्कॅनसाठी नेले होते.

त्याने महिलेला कपड्यांशिवाय सीटी स्कॅन मशीनवर झोपण्यास सांगितले होते. ती झोपली असताना आरोपीने तिच्या अंगाला अयोग्यरित्या स्पर्श केला होता. आरोपीने तिच्या प्रायव्हेट पार्टला स्पर्श केल्याचेही पीडितेने सांगितले. आरोपीने शारीरिक संबंध ठेवण्यासाठी तिचा आणखी छळ केल्याचेही पीडितेने पोलिसांना सांगितले होते. पोलिसांनी एफआयआर नोंदवून आरोपीला अटक केली आहे. (हेही वाचा: Uttar Pradesh Shocker: मतिमंद अल्पवयीन मुलीवर बलात्कार, आरोपीला पोलीसांनी घातल्या बेड्या)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)