Ayodhya Ram Temple: पहिल्याच पावसानंतर राम मंदिराच्या छताला गळती, ड्रेनेजची व्यवस्था नाही; मुख्य पुजारी Acharya Satyendra Das यांचा दावा (Video)
रामलल्ला विराजमान असलेल्या गर्भगृहात पाणी साचले होते. एक-दोन दिवसांत याबाबत काही व्यवस्था केली नाही, तर दर्शन आणि पूजा थांबवावी लागेल, असेही ते म्हणाले.
Ayodhya Ram Temple: रामनगरी अयोध्येतील भव्य राम मंदिराचे उद्घाटन होऊन सहा महिनेही झाले नाहीत, त्यात पहिल्याच पावसात राम मंदिराचे छत गळू लागले आहे. राम मंदिराचे मुख्य पुजारी आचार्य सत्येंद्र दास यांनी सांगितले की, पहिल्याच पावसात छतावरून पाणी टपकू लागले. रामलल्ला विराजमान असलेल्या गर्भगृहात पाणी साचले होते. एक-दोन दिवसांत याबाबत काही व्यवस्था केली नाही, तर दर्शन आणि पूजा थांबवावी लागेल, असेही ते म्हणाले. शनिवारी रात्री दोन ते पाच वाजेपर्यंत पाऊस झाला. त्यावेळी गर्भगृहासमोरील मंडप चार इंच पाण्याने भरला होता. वीज पडण्याची भीती लोकांना वाटत होती. त्यामुळे पहाटे 4 वाजताची आरती टॉर्चच्या प्रकाशात करावी लागली. सहा वाजताची आरतीही याच पद्धतीने झाली. परिसरात जी छोटी मंदिरे बांधण्यात आली आहेत त्यातही पाणी भरले आहे. राम मंदिरात पावसाच्या पाण्याचा निचरा करण्याची व्यवस्था नसल्याची माहितीही दास यांनी दिली. (हेही वाचा: Kerala Rename: केरळ राज्याचे नाव बदलून 'केरळम' करण्याचा निर्णय; विधानसभेत ठराव मंजूर)
पहा व्हिडिओ-
सड़क तो सड़क
पूल तो पूल
परीक्षा तो परीक्षा
मंदिर में भी घपला करने से नहीं चुकते
बरसात की शुरुआत में ही मंदिर में चूने (टपकने)लगा पानी : मुख्य पुजारी राम मंदिर pic.twitter.com/PNTfYnJHDr
— Atul Londhe Patil (INDIA Ka Parivar)🇮🇳 (@atullondhe) June 24, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jun 24, 2024 10:01 PM IST. For more news and updates on politics, world, sports, entertainment and lifestyle, log on to our website latestly.com).
