Ayodhya Ram Mandir: 'मी दलित असल्याने अपमानाच्या भीतीने राममंदिराच्या उद्घाटनाला गेलो नाही'; Mallikarjun Kharge यांनी सांगितले निमंत्रण असूनही अयोध्येला न जाण्याचे कारण

काँग्रेसचे राष्ट्रीय अध्यक्ष मल्लिकार्जुन खरगे यांनी सोमवारी हजारीबागच्या लातेहार आणि बार्हीमध्ये निवडणूक सभांना संबोधित केले. यावेळी त्यांनी देशात हुकूमशाही राजवट लादण्याचा प्रयत्न केल्याबद्दल पंतप्रधान नरेंद्र मोदी यांच्यावर निशाणा साधला. या सभांमध्ये बोलताना खरगे यांनी अयोध्या राम मंदिर उद्घाटनाला अनुपस्थित राहण्याचे कारण सांगितले. ते म्हणाले, अपमानाच्या भीतीने आपण अयोध्येतील राम लल्लाच्या अभिषेक सोहळ्याला उपस्थित राहिलो नाही. खरगे म्हणाले की, ते दलित समाजाचे आहेत, त्यामुळे त्यांचा अपमान होण्याची भीती होती, त्यामुळेच ते 22 जानेवारीला राम मंदिराच्या कार्यक्रमाला गेले नाहीत.

झारखंडमधील चतरा लोकसभा मतदारसंघातील नेतरहाट येथे आपल्या पहिल्या निवडणूक रॅलीला संबोधित करताना खरगे यांनी विचारले की, 'राष्ट्रपती द्रौपदी मुर्मू, ज्या आदिवासी आहेत, त्यांना संसद भवन किंवा राम मंदिरातील 'प्राण-प्रतिष्ठा' कार्यक्रमासाठी का आमंत्रित करण्यात आले नाही? माजी राष्ट्रपती रामनाथ कोविंद, जे दलित आहेत, त्यांना संसद भवनाच्या पायाभरणी समारंभाला का आमंत्रित करण्यात आले नाही?' ते म्हणाले, 'मला राम मंदिराच्या अभिषेकासाठी आमंत्रण मिळाले होते, परंतु मी गेलो नाही कारण मला भीती होती की मी तिथून बाहेर पडल्यानंतर ते परिसर 'शुद्ध' करतील किंवा मला मूर्तीजवळही जाऊ दिले जाणार नाही.'

पहा पोस्ट-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)