Air India Flight Fire Warning: एअर इंडियाच्या विमानास दिल्ली मुंबई प्रवासादरम्यान आगीचा इशारा, कोणतीही दुर्घटना नाही

राष्ट्रीय राजधानीतून मुंबईकडे जाणाऱ्या एअर इंडियाच्या विमानाला आगीचा इशारा देण्यात आल्याने आपत्कालीन स्थिती निर्माण झाली. विमानाच्या एका इंजिनमधून धूर आल्याने हा इशारा देण्यात आल्याचे एअरलाइनने बुधवारी सांगितले. एअर इंडियाच्या AI 814 विमानासोबत ही घटना मंगळवारी तेव्हा घडली जेव्हा या विमानाने दिल्लीहून उड्डाण केले. एअर इंडियाच्या प्रवक्त्याने बुधवारी दिलेल्या अधिकृत निवेदनानुसार, आगीचा इशारा मिळाल्यावर विमानात आपत्कालीन स्थिती निर्माण झाली असली तरी, विमान सुरक्षीतपणे उतरवण्यात आले. विमानाची आवश्यक तपासणी करण्यात आली मात्र आग किंवा धुराची कोणतीही चिन्हे आढळली नाहीत. सावधगिरीचा उपाय म्हणून, आपत्कालीन स्थिती घोषित करण्यात आली होती आणि हवाई वाहतूक नियंत्रणाला तातडीने कळवण्यात आले होते, असेही प्रवक्त्याने सांगितले.

एक्स पोस्ट