Agniveer First Batch: आज भारतीय नौदलात सामील झाली अग्निवीरांची पहिली तुकडी; 273 महिला सैनिकांसह एकूण 2,600 अग्निवीरांचा समावेश (Watch Video)
अग्निवीरांच्या पहिल्या तुकडीत 273 महिला सैनिकांसह एकूण 2,600 अग्निवीर आहेत.
अग्निपथ योजनेंतर्गत भरती होणारी सैनिकांची पहिली तुकडी आज, मंगळवार, 28 मार्च रोजी नौदलात सामील झाली. तब्बल 16 आठवड्यांचा प्रशिक्षण कार्यक्रम समर्पितपणे पूर्ण केल्यानंतर, भारतातील अग्निवीरांची पहिली तुकडी चमकण्यासाठी सज्ज झाली आहे. आज ओडिशाच्या आयएनएस (INS) चिल्का येथे अग्निवीरांच्या पहिल्या तुकडीची पासिंग आऊट परेड आयोजित केली होती. अग्निवीरांच्या पहिल्या तुकडीत 273 महिला सैनिकांसह एकूण 2,600 अग्निवीर आहेत. अग्निपथ भरती योजनेअंतर्गत या अग्निवीरांचे प्रशिक्षण नोव्हेंबर 2022 मध्ये आयएनएस चिल्का येथे सुरू झाले होते. पीएम मोदींच्या नेतृत्वाखालील भाजप सरकारची अग्निपथ योजना गेल्या वर्षी 14 जून रोजी केंद्रीय संरक्षण मंत्री राजनाथ सिंह यांच्या उपस्थितीत सुरू करण्यात आली होती.