Kashmir News: कुपोषणामुळे काश्मीरमधील ‘सर्वात उंच व्यक्ती’चा 38 व्या वर्षी मृत्यू

Kashmir News: काश्मीरचा सर्वात उंच माणूस मोहम्मद इक्बाल डूनु, (7.3 फूट उंची) याचे निधन झाले आहे. रविवारी 13 ऑगस्ट रोजी दुपारी वयाच्या 38 व्या वर्षी त्याने शेवटचा श्वास घतेला. कुपोषणाच्या त्रासाला कंटाळून त्याचे निधन झाले आहे असं समोर आले आहे. कुलगाम जिल्ह्यातील घाट रेडवानी पायेन येथील रहिवासी असलेल्या डूनुने 13 ऑगस्ट रोजी दुपारी २ वाजता त्यांच्या राहत्या घरी अखेरचा श्वास घेतला, अशी माहिती त्यांच्या एका नातेवाईकाने फ्री प्रेस काश्मीरला दिली.“त्याच्या शरीराची हालचाल करता येत नसल्याने त्याचे चुलत भाऊ त्याची काळजी घेत होते. त्याच्या आजारपणानंतर अनेक वर्षे त्याची काळजी घेणाऱ्या त्याच्या आईने दोन वर्षांपूर्वी अखेरचा श्वास घेतला,” तो म्हणाला.