Madhya Pradesh Accident: मध्य प्रदेशातील गुना येथे बस आणि डंपरच्या धडेकत भीषण अपघात, 11 जणांचा मृत्यू

Madhya Pradesh Accident: मध्य प्रदेशातील गुना येथे भीषण अपघात झाल्याची माहिती मिळाली आहे. बस आणि डंपर यांच्या धडकेत अपघात झाला. या अपघातात सुमारे 11 प्रवाशांचा मृत्यू झाल्याची माहिती समोर आली आहे. बस आणि डंपर यांच्या धडकेनंतर बसला आग लागली. या आगीत होरपळून प्रवाशांचा मृत्यू झाला तर काही जण जखमी झाले. अपघाताची माहिती मिळताच, प्रशासन घटनास्थळी दाखल झाले, मृतदेह आणि जखमींना बाहेर काढण्यात येत आहे. जखमींना उपचारासाठी रुग्णालयात दाखल करण्यात आले आहे, रुग्णालयात त्यांच्यावर उपचार सुरु आहे. पुढील तपास सुरु आहे. अशी माहिती जिल्हाधिकारी तरुण राढी यांनी माध्यमांना दिली आहे.