India-China: पाच वर्षांनंतर भारत-चीन हवाई सेवा पुन्हा सुरू! इंडिगोची पहिली फ्लाईट ग्वांगझूला रवाना; व्यापार आणि पर्यटनाला मिळणार गती

India to China Flights: अनेक बैठकींनंतर, भारत आणि चीनमधील विमान सेवा अखेर पुन्हा सुरू झाली आहे. पाच वर्षांपासून बंद असलेली सेवा अखेर पुन्हा सुरू झाली आहे. इंडिगोची फ्लाइट 6E1703 कोलकात्याच्या नेताजी सुभाष चंद्र बोस आंतरराष्ट्रीय विमानतळावरून चीनमधील ग्वांगझूसाठी रवाना झाली. रात्री 10:07 वाजता हे फ्लाइट निघाले. विमानतळ संचालकांनी सोशल मीडियावर फ्लाइटचा व्हिडिओ देखील शेअर केला. दोन्ही देशांमधील फ्लाइट पुन्हा सुरू करण्यामागील उद्देश व्यापार, पर्यटन आणि लोकांमधील संपर्क सुलभ करणे आहे. इंडिगो कोलकाता आणि ग्वांगझू दरम्यान दररोज नॉन-स्टॉप फ्लाइट चालवेल. दिल्ली आणि ग्वांगझू दरम्यान अतिरिक्त फ्लाइट 10 नोव्हेंबर रोजी सुरू होतील. शांघाय-दिल्ली मार्ग 9 नोव्हेंबर रोजी पुन्हा सुरू होईल.