Covovax चा विषम बूस्टर डोस CoWIN वर लवकरच उपलब्ध होणार; 'इतकी' असेल किंमत

Covovax: भारतात पुन्हा एकदा कोरोना संसर्ग वाढत आहे. त्यामुळे लोकांमध्ये भीतीचे वातावरण आहे. भारतातही गेल्या काही दिवसांपासून तीन हजारांहून अधिक प्रकरणे सातत्याने समोर येत आहेत. इतकेच नाही तर सोमवारी भारत पुन्हा एकदा जगातील पाच देशांमध्ये सामील झाला आहे, जिथे गेल्या काही दिवसांपासून सर्वाधिक संसर्गाची प्रकरणे नोंदवली जात आहेत. दरम्यान, सीरम इन्स्टिट्यूट ऑफ इंडियाने केंद्रीय आरोग्य मंत्रालयाला पत्र लिहिलं होतं. यामध्ये SII ने, प्रौढांसाठी विषम बूस्टर डोस म्हणून कोविन पोर्टलमध्ये कोविड लस Covax चा समावेश करण्याची मागणी केली होती. दरम्यान, आता सीरम इन्स्टिट्यूटची ही मागणी मान्य झाली असून नागरिकांना CoWIN वर लवकरच 225 रुपये प्रति विषम बूस्टर मिळणार आहे.