Uttar Pradesh Shocker: सुरक्षा रक्षकाकडून अपघाती गोळीबार, घटनेत स्वत: झाले जखमी, Video Viral

Uttar Pradesh Shocker: उत्तर प्रदेशातील लखनऊ येथील कॅनरा बॅंकेच्या शाखेत सुरक्षा रक्षकाच्या हातातून हातातून अपघाती गोळीबार झाल्याची धक्कादायक घटना समोर येत आहे. या घटनेचा व्हिडिओ देखील व्हायरल होत आहे. व्हिडिओत दिसल्याप्रमाणे, बॅंकेच्या सुरक्षा रक्षकाने चूकून बंदूकीने गोळी झाडली. या घटनेत त्याच्या डाव्या पायाला दुखापत झाल्याचे व्हिडिओत दिसत आहे. घटनेनंतर पीडितेला जिल्हा रुग्णालयात दाखल करण्यात आले आहे. त्याची प्रकृती स्थिर असल्याची माहिती समोर येते. (हेही वाचा- दिल्लीच्या मुखर्जी नगर भागात भरदिवसा तरुणीवर चाकू हल्ला, आरोपी अटकेत)

ही घटना शुक्रवारी (२२ मार्च) दुपारी पालिया महामार्गालगत असलेल्या कछौना शहरातील कॅनरा बँकेच्या शाखेत घडली. कर्तव्यावरील सुरक्षा रक्षक सुनील मिश्रा याने त्याच्या DBBL (डबल बॅरल ब्रीच लोडिंग) बंदुकीची चुकीची हाताळणी केली. याचा परिणाम म्हणजे अपघाती गोळीबार त्याच्या डाव्या पायाला लागला. या अपघातामुळे बँकेच्या आत असलेल्या लोकांमध्ये घबराट पसरली.

बॅंकेच्या शाखेत उपस्थित असलेले लोकांनी जखमी गार्डला मदतीला धावले. सुदैवाने बॅंकेच्या आत उपस्थित असलेल्या इतर कोणत्याही व्यक्तीला गोळी लागली नाही.सुरक्षा रक्षकाला रुग्णालयात उपाचारासाठी दाखल करण्यात आले. त्याच्यावर उपचार सुरु आहे. त्याची प्रकृती स्थिर असल्याचे समोर येत आहे.