पंतप्रधान नरेंद्र मोदी आणि जपानच्या पंतप्रधान सानई ताकाईची यांच्यात फलदायी चर्चा; भारत-जपान मैत्रीचे नवे पर्व सुरू

दिल्ली: पंतप्रधान  सानई ताकाईची यांनी पदभार ग्रहण केल्याबद्दल पंतप्रधान मोदी यांनी त्यांचे अभिनंदन केले आणि त्यांच्या यशस्वी कार्यकाळासाठी शुभेच्छा दिल्या.आर्थिक सुरक्षितता, संरक्षण सहकार्य तसेच प्रतिभेच्या गतिशीलतेवर अधिक लक्ष केंद्रित करून भारत-जपान विशेष धोरणात्मक तसेच जागतिक भागीदारी आणखी वाढवण्याच्या दृष्टीने दोन्ही नेत्यांनी त्यांच्या सामायिक संकल्पनांबाबत चर्चा केली.

अधिक सशक्त भारत-जपान संबंध जागतिक शांतता, स्थैर्य आणि समृद्धीसाठी महत्त्वाचे आहेत यावर दोन्ही नेत्यांनी अनुमोदन दिले.

एक्स या समाजमाध्यमावर लिहिलेल्या संदेशात पंतप्रधान म्हणतात;

“जपानच्या पंतप्रधान सानई ताकाईची यांच्याशी सौहार्दपूर्ण संवाद झाला. पंतप्रधानपदाचा कार्यभार स्वीकारल्याबद्दल त्यांचे अभिनंदन केले आणि आर्थिक सुरक्षितता, संरक्षण सहकार्य तसेच प्रतिभेच्या गतिशीलतेवर अधिक लक्ष केंद्रित करून भारत-जपान विशेष धोरणात्मक तसेच जागतिक भागीदारी आणखी वाढवण्यासंदर्भात चर्चा केली. अधिक सशक्त भारत-जपान संबंध जागतिक शांतता, स्थैर्य आणि समृद्धीसाठी महत्त्वाचे आहेत यावर आमचे एकमत झाले.