Baipan Bhari Deva Box Office Collection: 'बाईपण भारी देवा' ठरला यंदाच्या वर्षातील विकेंडला सर्वाधिक कमाई करणारा मराठी सिनेमा; दिग्दर्शक केदार शिंदेंची भावूक पोस्ट

कोविड नंतर बॉक्सऑफिसवर अनेक सिनेमे दणकून आपटले आहेत. मराठी सिनेमातही थोड्या फार प्रमाणात तसंच चित्र होतं. पण केदार शिंदे दिग्दर्शित 'बाईपण भारी देवा' हा सिनेमा सुसाट चालला आहे. 30 जूनला रिलीज झालेला हा सिनेमा यंदाच्या वर्षात  विकेंडला सर्वाधिक कमाई करणारा मराठी सिनेमा ठरला आहे. या सिनेमाचं विकेंडचं नेट बॉक्स ऑफिस कलेक्शन 6.45 झालं आहे. यावर केदार शिंदेंनीही भावनिक पोस्ट शेअर केली आहे. 'ही स्वामींची कृपा. हा सिध्दीविनायकाचा महाप्रसाद. मला २१ वर्ष लागली दादरचा एक रस्ता क्रॉस करायला! २००२ साली सही रे सही आलं. त्याला तुम्ही मायबाप प्रेक्षकांनी भरभरून प्रतिसाद दिला. गेली कित्येक वर्ष त्याचे "हाऊसफुल्ल" चे बोर्ड मी पाहातो आहे.' असं ट्वीट केलं आहे. दरम्यान 'बाईपण भारी देवा'हा सिनेमा 6 बहिणींभोवती फिरतो. मंगळागौर स्पर्धेच्या निमित्ताने बहिणी-बहिणींमध्ये झालेला समज-गैरसमजांचा गुंता कसा सुटतो याची ही कहाणी आहे. Mangalagaur Song: 'बाईपण भारी देवा’ चित्रपटातील मंगळागौर गाणे प्रेक्षकांच्या भेटीला .