Vir Das To Host International Emmy Awards: कॉमेडियन वीर दास होस्ट करणार यंदाचा प्रतिष्ठित इंटरनॅशनल एमी अवॉर्ड; ठरला पहिला भारतीय
एमी अवॉर्ड्सचे होस्टिंग करणारा वीर पहिला भारतीय ठरला आहे. इंटरनॅशनल ॲकॅडमी ऑफ टेलिव्हिजन आर्ट्स अँड सायन्सेसने वीरला 2024 इंटरनॅशनल एमी अवॉर्ड्स होस्ट म्हणून घोषित केले आहे.
Vir Das To Host International Emmy Awards: कॉमेडियन आणि अभिनेता वीर दास नेहमीच कोणत्या ना कोणत्या कारणाने चर्चेत असतो. सध्या तो अनन्या पांडेच्या 'कॉल मी बे' या कॉमेडी वेब सीरिजमध्ये दिसत आहे. आता वीर अजून एका कारणाने प्रकाशझोतात आला आहे. वीर दास 52 वा आंतरराष्ट्रीय एमी पुरस्कार होस्ट करणार आहे. एमी अवॉर्ड्सचे होस्टिंग करणारा वीर पहिला भारतीय ठरला आहे. इंटरनॅशनल ॲकॅडमी ऑफ टेलिव्हिजन आर्ट्स अँड सायन्सेसने वीरला 2024 इंटरनॅशनल एमी अवॉर्ड्स होस्ट म्हणून घोषित केले आहे. हा केवळ वीरच्याच कारकिर्दीसाठी मैलाचा दगड ठरणार नाही, तर भारतीयांसाठीही निश्चितच अभिमानाचा विषय ठरेल. 25 नोव्हेंबर रोजी न्यूयॉर्क शहरात हा पुरस्कार सोहळा होणार आहे.
आंतरराष्ट्रीय एमी अवॉर्ड्सच्या 51 व्या आवृत्तीत वीरला त्याचा नेटफ्लिक्स शो ' वीर दास: लँडिंग'साठी सर्वोत्कृष्ट विनोदी श्रेणीमध्ये एमी पुरस्कार देखील मिळाला होता. वीर हा 2017 मध्ये 32 देश आणि सहा खंडांना भेट देऊन जागतिक दौऱ्यावर जाणारा पहिला विनोदी अभिनेता आहे. कॉमेडी व्यतिरिक्त वीर दास एक निर्माता देखील आहे. अनेक मालिकांमध्येही तो दिसला आहे. तो नेटफ्लिक्सच्या 'हसमुख' आणि प्राइम व्हिडिओच्या जेस्टिनेशन अननोनमध्ये दिसला आहे. वीर दास हा कॉमेडी-रॉक बँड एलियन चटनीचा मुख्य गायक देखील आहे. (हेही वाचा: Ramayana: रामायणात रणबीर कपूर दुहेरी भूमिकेत दिसणार, प्रभू राम आणि परशुराम यांची भूमिका साकारणार)
कॉमेडियन वीर दास होस्ट करणार यंदाचा प्रतिष्ठित इंटरनॅशनल एमी अवॉर्ड-
Thanks to your love, an Indian Emmy host 🇮🇳❤️
I can’t wait to host the @iemmys this year. Crazy. pic.twitter.com/d7vpEZqSXl
— Vir Das (@thevirdas) September 11, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 12, 2024 10:56 PM IST. For more news and updates on politics, world, sports, entertainment and lifestyle, log on to our website latestly.com).
