Viral Video: हाय-स्पीड बाईकवर उभं राहून तरुणीने पाटण्याच्या मरीन ड्राईव्हजवळ हातात पिस्तूल घेऊन बनवलं रील, पहा व्हायरल व्हिडिओ

Viral Video: सोशल मीडियावर दररोज नव-नवीन व्हिडिओ व्हायरल होत असतात. यातील काही व्हिडिओ नेटीझन्सला विचार करायला लावतात. शनिवारी समोर आलेल्या व्हिडीओमध्ये, एक दुचाकीस्वार आपली दुचाकी भरधाव वेगात चालवताना दिसत आहे. तर या दुचाकीवर बसलेली तरुणी दोन्ही हातात बंदूक घेऊन हवेत फिरवताना दिसत आहे. हा व्हिडिओ सोशल मीडियावर व्हायरल झाला आहे.

या व्हिडिओची दखल घेत पाटणाचे पोलिस अधीक्षक वैभव शर्मा यांनी दोषींवर कारवाई करण्याचे आश्वासन दिले. आम्ही दुचाकीचा नोंदणी क्रमांक ओळखण्यासाठी आणि गुन्हेगारांपर्यंत पोहोचण्याचे प्रयत्न करत आहोत. त्यांच्यावर लवकरच कारवाई केली जाईल, असं शर्मा यांनी म्हटलं आहे.

अशीच एक घटना काही महिन्यांपूर्वी पटनाच्या 'मरीन ड्राईव्ह'मध्ये बाईकवर एक मुलगी बंदूक हलवत असताना घडली होती. त्यानंतर पाटणा पोलिसांनी तिला लोहानीपूर परिसरातून अटक केली होती. तपासादरम्यान कळले की, मुलीने बंदुकीचा आकार असलेला लायटर धरला होता.

तथापी, या तरुणीला 34,000 रुपयांचा दंड ठोठावण्यात आला असून तिच्या दुचाकीची नोंदणीही एक वर्षासाठी रद्द करण्यात आली आहे. दरम्यान, पाटना पोलिस आता सोशल मीडियावर व्हायरल झालेल्या नव्या व्हिडिओचा तपास करत आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)