QuickLY
Socially
अडल्ट स्टार आणि XXX मॉडेल रेनी ग्रेसीला (Renee Gracie) इन्स्टाग्रामवर बंदी घालण्यात आली आहे. आपण जर का OnlyFans ची मॉडेल रेनीच्या इन्स्टाग्राम अकाउंटवर किंवा लिंकवर क्लिक करण्याचा प्रयत्न केलात, तर तेथे 'लिंक उपलब्ध नाही' आणि 'इन्स्टाग्रामवर परत जा' असा एक एरर संदेश येईल. अचानक आपले सोशल मीडिया अकाउंट बंद झाल्याने रेनीही खूप नाराज आहे. तिला असे वाटत आहे की, यामुळे तिच्या कामावरही मोठा परिणाम होईल. याआधी रेनीने सांगितले होते की, तिच्या बोल्ड कंटेंटमुळे इंस्टाग्रामने तिच्या पोस्टमध्ये बदल केले होते. यापूर्वी तिने आपल्या 'बूब जॉब'चा व्हिडिओही पोस्ट केला होता, परंतु तिने तो इन्स्टाग्रामच्या नियमांना ध्यानात घेऊन शेअर केला होता.
मात्र आता इंस्टाग्रामने तिला ब्लॉक केले आहे. याबाबत डेली मेल ऑस्ट्रेलियाशी बोलताना रेनी म्हणाली की, ती सकाळी उठली आणि अ‍ॅपवर लॉग इन करण्याचा प्रयत्न केला पण तिचे खाते उघडले नाही. रेनीने इन्स्टाग्रामच्या या कारवाईवर आक्षेप घेत म्हटले आहे की, तिने तिचे इंस्टाग्राम अकाउंट अत्यंत व्यावसायिक पद्धतीने हाताळले आहे. रेनी म्हणाली की तिने कोणतेही चुकीचे काम केले नाही, अन्यथा या अ‍ॅपवर ज्या पद्धतीने बिकिनी मॉडेल्स आपले फोटो पोस्ट करतात त्यामानाने तर ती फार चांगले फोटो शेअर करत आहे. (हेही वाचा: Renee Gracie Threatened to Sue Indians: माजी सुपरकार रेसर रेनी ग्रेसी भारतीयांवर भडकली, कायदेशीर कारवाई करण्याची दिली धमकी!)
ती पुढे म्हणते की, इन्स्टाग्रामवर ब्लॉक करण्यासाठी ती काही ड्रग डीलर नाही. या अ‍ॅपने तिच्यावर अन्याय केला आहे. रेनी म्हणते की, इन्स्टाग्रामच्या आधीही सेक्स आणि सेक्स इंडस्ट्री मार्केटमध्ये अस्तित्वात आहे. मात्र अशाप्रकारे तिच्यावर बंदी घातल्याने ती दरमहा 10 ते 15 हजार डॉलर्स गमावेल.
दरम्यान, ग्रेसी ही फुल-टाइम महिला सुपरकार रेसर होती. 2017 मध्ये 7 वर्षाची रेसिंग कारकीर्द सोडून तिने पॉर्न स्टार बनण्याचा निर्णय घेतला. अशी ही माजी ऑस्ट्रेलियन व्ही 8 (Australia V8) सुपरकार रेसर सध्या अडल्ट साइट OnlyFans वर आठवड्यातून 14,000 डॉलर म्हणजे अंदाजे 18.8 लाख रुपये कमवित असल्याचा दावा केला आहे.
