Rape Post Explaining Procedure Goes Viral: महिलेवर बलात्कार किंवा सामूहिक बलात्कार कसा करावा? हे सांगणारी एक पोस्ट सोशल मीडियावर व्हायरल; पोलीस तपास सुरु
Crime Against Women (Photo Credits: IANS)

उत्तर प्रदेशातील हाथरस सामूहिक बलात्कार प्रकरणानंतर संपूर्ण देशभरात संतापजनक वातावरण निर्माण झाले असतानाच सोशल मीडियावरील (Social Media) एका पोस्टने सर्वांनाच हादरून सोडले आहे. महिलेवर बलात्कार किंवा सामूहिक बलात्कार कसा करावा? हे सांगणारी एक पोस्ट प्रचंड व्हायरल झाली आहे. ही पोस्ट बंगाली भाषेत असून कोलकातामधील अनेक जणांनी सोशल मीडियावर शेअरदेखील केली आहे. दरम्यान, ही पोस्ट पाहिल्यानंतर 'वन मिलियन अगेन्स्ट चाईल्ड अॅब्युज' मोहीमीची सुरुवात करणाऱ्या प्रणाधिका सिन्हा देवबर्मन यांनी कोलकाता पोलिसांच्या (Kolkata Police) निदर्शनास आणून दिली. तसेच प्रणाधिका यांनी कोलकाता पोलीस आयुक्त तसेच सहआयुक्तांना ट्विट करत यामध्ये लक्ष घालण्याची विनंती केली आहे.

उत्तर प्रदेशच्या हाथरस येथील घटनेनंतर महिलांच्या सुरक्षेची मागणी होत असताना सोशल मीडियावर व्हायरल झालेल्या या पोस्टमुळे अनेकांच्या भुवया उंचावला गेल्या आहेत. याप्रकरणी प्रणाधिका यांनी 8 ऑक्टोबर रोजी कोलकाता पोलिसांत तक्रार दाखल केली होती. “आधीच आपल्या आजुबाजूला लैंगिक अत्याचाराच्या अनेक घटना घडत असताना सोशल मीडियावर कोणीतरी बलात्कार कसा करावा हे समजवणारी व्यक्ती नको, कृपया मदत करा,” अशा आशयाचे ट्विटदेखील प्रणाधिका यांनी केली आहे. हे देखील वाचा- Baba Ka Dhaba नंतर आगरा मधील कांजी वडा विक्री करणाऱ्या 90 वर्षीय वृद्धाचा व्हिडिओ व्हायरल (Watch Video)

याप्रकरणी कोलकाता पोलिसांनी कसून चौकशीला सुरुवात केली आहे. लवकरच याप्रकरणातील आरोपीला ताब्यात घेतले जाणार, असे आश्वासन देखील त्यांनी दिले आहेत. ही पोस्ट बांगलादेशमधून शेअर झाल्याची माहिती त्यांनी दिली आहे.