Priti Paswan Viral Video: प्रीती पासवान व्हायरल व्हिडिओ 1 मिनिट 48 सेकंदांची क्लिप ठरू शकते धोक्याची, बँक खाते होऊ शकते रिकामे

सोशल मीडिया प्लॅटफॉर्मवर सध्या भोजपुरी नृत्यांगना प्रीती पासवान हिच्या नावाचा एक कथित आक्षेपार्ह व्हिडिओ प्रचंड चर्चेत आला आहे. एक्स (पूर्वीचे ट्विटर), टेलिग्राम आणि रेडिट यांसारख्या प्लॅटफॉर्मवर १ मिनिट ४८ सेकंदांची एक व्हिडिओ क्लिप मोठ्या प्रमाणावर शोधली जात आहे. मात्र, याच ट्रेंडिंग विषयाचा गैरफायदा घेऊन सायबर गुन्हेगारांनी इंटरनेट युजर्सना फसवण्यासाठी एक मोठे जाळे पसरवले आहे. हा व्हिडिओ पाहण्याच्या नादात अनेक युजर्स सायबर फ्रॉडचे बळी ठरत असून, त्यांच्या बँक खात्यांमधील जमा पुंजी चोरीला जाण्याचा मोठा धोका निर्माण झाला आहे.

व्हायरल क्लिपचे सत्य काय?

तिने सोशल मीडियावरून आपल्या चाहत्यांशी संवाद साधत सांगितले की, या व्हिडिओमधील महिला ही दुसरीच कोणीतरी असून केवळ बदनामी करण्यासाठी तिचे नाव जोडले जात आहे. स्वतःच्या ओळखीचे पुरावे देत तिने चेहऱ्यावरील तीळ आणि हातावरील टॅटूचा दाखला दिला आहे. तसेच आपल्या प्रतिमेला धक्का पोहोचवणाऱ्या लोकांवर आणि हा व्हिडिओ पसरवणाऱ्यांवर सायबर पोलिसांत कायदेशीर कारवाई करणार असल्याचे तिने स्पष्ट केले आहे.

स्कॅमर्स कशा प्रकारे करत आहेत फसवणूक?

भोजपुरी कलाकारांच्या वाढत्या लोकप्रियतेचा गैरफायदा घेत सायबर भामटे युजर्सच्या उत्सुकतेचा व्यापार करत आहेत. लोक जेव्हा गुगल किंवा सोशल मीडियावर 'प्रीती पासवान फुल व्हिडिओ' किंवा '१ मिनिट ४८ सेकंद क्लिप' असे शोधतात, तेव्हा त्यांना काही संशयास्पद लिंक्स दाखवल्या जातात. या लिंक्सवर क्लिक करताच युजर्सना मूळ व्हिडिओऐवजी एका अनोख्या फसव्या वेबसाईटवर (फिशिंग पेज) पाठवले जाते. तिथे पूर्ण व्हिडिओ पाहण्यासाठी एखादे अज्ञात ॲप डाऊनलोड करण्याची किंवा फाईल इन्स्टॉल करण्याची सक्ती केली जाते.

मालवेअर आणि फिशिंगचा मोठा धोका

या फसव्या लिंक्सच्या माध्यमातून युजर्सच्या मोबाईल किंवा कॉम्प्युटरमध्ये नकळतपणे 'मालवेअर' म्हणजेच धोकादायक व्हायरस डाऊनलोड होतो. हा व्हायरस उपकरणाचा ताबा मिळवून बॅकग्राउंडला सुरू असलेल्या घडामोडींवर लक्ष ठेवतो. काही लिंक्स तर थेट युजर्सना त्यांचे फेसबुक, गुगल किंवा नेट बँकिंगचे युझरनेम आणि पासवर्ड भरण्यास भाग पाडतात. यामुळे युजर्सचे सोशल मीडिया अकाउंट हॅक होतातच, पण त्यासोबतच बँक खात्याचे गोपनीय तपशील आणि ओटीपी (OTP) चोरून काही सेकंदांत संपूर्ण बँक खाते रिकामे केले जाते.

डिजिटल युजर्सनी कोणती काळजी घ्यावी?

अशा प्रकारच्या ऑनलाईन धोक्यांपासून सुरक्षित राहण्यासाठी कोणत्याही अनोळखी किंवा संशयास्पद वाटणाऱ्या लिंकवर क्लिक करणे पूर्णपणे टाळले पाहिजे. सोशल मीडियावरील कोणत्याही सेन्सेशनल किंवा आक्षेपार्ह दाव्यांवर विश्वास ठेवून अनोळखी ॲप्स डाऊनलोड करू नका. आपले बँक तपशील, पासवर्ड किंवा वैयक्तिक माहिती कोणत्याही अनोळखी प्लॅटफॉर्मवर शेअर करू नका. जर चुकून अशा कोणत्याही लिंकवर क्लिक झाले असेल, तर तातडीने आपले बँकिंग पासवर्ड बदलावेत आणि अधिकृत सायबर सेलकडे तक्रार नोंदवावी.