Fact Check: कोरोना व्हायरस लसीची पहिली चाचणी कारण्यात आलेल्या इंग्लंडच्या Elisa Granato यांचा मृत्यू? जाणून घ्या सत्य
ग्लंडमधील ऑक्सफोर्ड युनिव्हर्सिटीमध्ये कोरोनावरील लसीची मनावर चाचणी करण्यास सुरुवात केली आहे. या दरम्यान लसीचे परीक्षण करण्यात आलेल्या महिलेचा मृत्यू झाल्याचे वृत्त सध्या समोर आले आहे. एलिसा ग्रॅनाटो, असे या महिलेचा नाव आहे. मात्र, डॉ. ग्रॅनाटो जिवंत आहेत आणि सर्व अहवाल बनावट आहेत.
कोरोना व्हायरसने (Coronavirus) संपूर्ण जगात थैमान घातले आहे. यूरोप आणि अमेरिकेला या व्हायरसचा सर्वाधिक फटका बसला आहे. अनेक देश या व्हायरसवर लस शोधून काढण्याचा प्रयत्न करत आहे. मात्र अद्याप कोणालाही यश मिळालेले नाही. अशा स्थितीत इंग्लंडमधील ऑक्सफोर्ड युनिव्हर्सिटीमध्ये कोरोनावरील लसीची मनावर चाचणी करण्यास सुरुवात केली आहे. या दरम्यान लसीचे परीक्षण करण्यात आलेल्या महिलेचा मृत्यू झाल्याचे वृत्त सध्या समोर आले आहे. एलिसा ग्रॅनाटो, (Elisa Granato) असे या महिलेचा नाव आहे. त्या एक मायक्रोबायोलॉजिस्ट होत्या. त्यांच्या मृत्यूची बातमी जंगलातील आगीसारखी पसरली. वृत्तसंस्था असल्याचा दावा करणाऱ्या बर्‍याच वेबसाइट्सने ग्रॅनाटो यांचा ऑक्सफोर्ड विद्यापीठातील अभ्यासाशी संबंधित चाचणीनंतर मृत्यू झाला असल्याचे वृत्त प्रकाशित केले. मात्र, डॉ. ग्रॅनाटो जिवंत आहेत आणि सर्व अहवाल बनावट आहेत. (Fact Check: न्यूमोनियाची लस कोरोना व्हायरसपासून संरक्षण देते? जाणून घ्या सत्य)
लसीची चाचणी सुरुवातीला कव्हर करणार्‍या बीबीसीचे वैद्यकीय प्रतिनिधी फर्गस वॉल्श यांनी ट्विटरवर लिहिले की मी या दिवशी सकाळी स्काइपवरून डॉ. ग्रॅनाटोशी बोललो आहे.वॉल्श यांनी लिहिले की, "ऑक्सफोर्ड लस चाचणीतील पहिल्या स्वयंसेवकाचा मृत्यू झाल्याची बनावट बातमी सोशल मीडियावर पसरली आहे.हे खरे नाही! मी आज सकाळी स्काईप द्वारे एलिसा ग्रॅनाटो सह गप्पा मारत काही मिनिटे घालविली. ती जिवंत आहे आणि मला सांगितले की तिला “एकदम ठीक” आहे." ते म्हणाले की, डॉ ग्रॅनाटो यांनी तिच्या मृत्यूची बातमी पाहिल्यास ती जिवंत असल्याचे तिच्या कुटुंबियांनाही आश्वस्त केले आहे.
दरम्यान, जर ही चाचणी यशस्वी झाली तर ती जगासाठी सर्वात मोठी दिलासा देणारी बातमी ठरणार आहे. या व्यतिरिक्त जगातील 70 हून अधिक देशांतील शेकडो संशोधन संस्था या आजारासाठी लस शोधण्यात गुंतल्या आहेत. ग्रॅनाटो यांनी प्रथम स्वत:वर चाचणी घेण्यास तयार झाला जे पाहून बऱ्याच लोकांना प्रेरणा मिळाली.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)