Notice For Expensive Tea: अयोध्येत एका कप चहाची किंमत 55 रुपये! किमतीवरून गोंधळ, ADA ने शबरी रसोईकडून मागितले 3 दिवसात उत्तर
चहासाठी 55 रुपये आणि टोस्टसाठी 65 रुपये देण्याचे वृत्त पसरताच अयोध्या विकास प्राधिकरणाच्या (एडीए) उपाध्यक्षांनी नोटीस बजावून तीन दिवसांत उत्तर मागवले आहे. या किमती अयोध्येची प्रतिमा डागाळत असल्याचे त्यांचे म्हणणे आहे.
Notice For Expensive Tea: अलीकडेच अयोध्येतील (Ayodhya) 'शबरी रासोई' (Shabri Rasoi) वरून नवा वाद निर्माण झाला आहे. सोशल मीडियावर एका वापरकर्त्याने टेधी बाजार चौकात असलेल्या मल्टीलेव्हल कॉम्प्लेक्समध्ये बांधलेल्या 'शबरी रसोई' रेस्टॉरंटच्या बिलाचा फोटो पोस्ट केला आहे. हे पाहून सर्वांनाच आश्चर्य वाटले. बिलात एका कप चहा (Tea) ची किंमत 55 रुपये आणि दोन टोस्टची किंमत 65 रुपये आहे.
चहासाठी 55 रुपये आणि टोस्टसाठी 65 रुपये देण्याचे वृत्त पसरताच अयोध्या विकास प्राधिकरणाच्या (एडीए) उपाध्यक्षांनी नोटीस बजावून तीन दिवसांत उत्तर मागवले आहे. या किमती अयोध्येची प्रतिमा डागाळत असल्याचे त्यांचे म्हणणे आहे. ADA चे उपाध्यक्षांनी सांगितले की, अयोध्या हे धार्मिक आणि पर्यटन स्थळ आहे. येथे येणाऱ्या लोकांना रास्त दरात अन्न मिळावे, अशी अपेक्षा असते. (हेही वाचा -Bhopal Habib Nazar Third Marriage: ऐकावे ते नवलं! वयाच्या 103 व्या वर्षी स्वातंत्र्यसैनिकाने केलं 49 वर्षीय बेगमशी तिसरे लग्न, वाचा सविस्तर वृत्त)
शबरी रसोई येथे चहा आणि टोस्टच्या किमती अवास्तव जास्त आहेत, ज्यामुळे अयोध्येच्या प्रतिमेला हानी पोहोचू शकते. एवढ्या जास्त किमती का ठेवल्या, याचे उत्तर त्यांनी रेस्टॉरंट मालकाकडून मागितले आहे.
अयोध्या विकास प्राधिकरणाने सांगितले की, तुमच्यासोबत झालेल्या करारात येथे येणाऱ्या भाविक आणि यात्रेकरूंच्या सुविधा लक्षात घेऊन वसतिगृह, पार्किंग आणि जेवणाची सुविधा स्वस्त दरात असेल, असं सांगण्यात आलं आहे. मात्र तुमच्याद्वारे चालवल्या जाणाऱ्या सुविधेतील शबरी किचनचे बिल व्हायरल होत आहे, त्यात एका चहाचा दर 55 रुपये ठेवण्यात आला आहे, जो बाजारभावापेक्षा खूपच जास्त आहे. तुम्हाला अन्न आणि इतर सेवांच्या योग्य किमती निश्चित करण्यासाठी आणि 24 तासांच्या आत कार्यालयाला कळवण्याचे निर्देश दिले आहेत. तसेच याबाबत तीन कामकाजाच्या दिवसांत स्पष्टीकरण द्यावे. अन्यथा तुमचा करार रद्द केला जाईल.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)