Who Is Maya Ivnate? भाजपच्या माया इवनाते भरणार राज्यसभा उमेदवारी अर्ज; आदिवासी चेहऱ्याला संधी देऊन भाजपकडून सामाजिक समीकरण साधण्याचा प्रयत्न

मुंबई : महाराष्ट्रातील राज्यसभेच्या रिक्त होणाऱ्या जागांसाठी भारतीय जनता पक्षाने (भाजप) धक्कातंत्राचा वापर करत आदिवासी नेत्या माया इवनाते यांच्या नावावर शिक्कामोर्तब केले आहे. इवनाते आज, 4 मार्च 2026 रोजी मुंबईत आपला अधिकृत उमेदवारी अर्ज दाखल करू शकतात. केंद्रीय मंत्री रामदास आठवले आणि विनोद तावडे यांच्यासह इवनाते यांच्या नावाची घोषणा करून भाजपने राजकीय वर्तुळात सर्वांचे लक्ष वेधून घेतले आहे.

आदिवासी नेतृत्वाला राष्ट्रीय पातळीवर संधी

माया इवनाते या मूळच्या विदर्भातील असून त्यांनी यापूर्वी नागपुर च्या महापौर म्हणून काम पाहिले आहे. भाजपने त्यांना राज्यसभेची उमेदवारी देऊन विदर्भातील आदिवासी मतपेढीवर आपली पकड अधिक मजबूत करण्याचा प्रयत्न केला आहे. पक्षाच्या संघटनात्मक कार्यात दीर्घकाळ सक्रिय असलेल्या इवनाते यांना ही उमेदवारी देऊन भाजपने निष्ठेचे फळ दिल्याची चर्चा राजकीय वर्तुळात आहे. त्या सध्या नागपूर महानगरपालिकेत नगरसेविका आहेत.

सामाजिक समीकरणे साधण्यावर भर

भाजपने यंदाच्या राज्यसभा निवडणुकीत केवळ ज्येष्ठ नेत्यांनाच नव्हे, तर विविध समाजघटकांना प्रतिनिधित्व देण्याचे धोरण स्वीकारले आहे. विनोद तावडे यांच्या रूपाने मराठा चेहरा, रामदास आठवले यांच्या माध्यमातून दलित मित्रपक्ष आणि माया इवनाते यांच्या रूपाने आदिवासी महिला नेतृत्व असे समीकरण भाजपने मांडले आहे. यामुळे आगामी विधानसभा आणि स्थानिक स्वराज्य संस्थांच्या निवडणुकांमध्ये भाजपला फायदा होऊ शकतो.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)