Crime: निर्दयीपणाचा कळस ! मुंबईत अवघ्या एक लाखासाठी विकले पोटच्या मुलाला, आईसह एका महिलेला अटक

माणुसकीला लाजवेल अशी घटना मुंबईतून (Mumbai) समोर आली आहे. येथे एका महिलेने आपल्या एका दिवसाच्या मुलाचा एक लाख रुपयांत सौदा केला. याप्रकरणी मुंबई गुन्हे शाखेने (Mumbai Crime Branch) दोन महिलांना अटक (Arrested) केली आहे. त्यापैकी, एक स्त्री आहे ज्याने मूल विकत घेतले आणि दुसरी स्त्री आहे ज्याने मुलाला विकले. अटक करण्यात आलेला आरोपी हा व्यवसायाने नर्स आहे. या प्रकरणी पोलिसांनी आरोपीविरुद्ध भादंविच्या कलम 370 (अ) आणि 34 अन्वये गुन्हा दाखल करून तपास सुरू केला आहे. मुलाच्या आईला काही कारणास्तव मुलाला आपल्याकडे ठेवायचे नव्हते, त्यामुळेच तिला ते विकायचे होते, अशी माहिती सूत्रांनी दिली.

त्यानंतर ती आरोपी नर्सच्या संपर्कात आली आणि मुलाची किंमत एक लाख रुपये ठरवण्यात आली. आरोपी नर्स मुलाला खरेदी करण्यासाठी ग्राहकासंदर्भात अनेक लोकांकडे चौकशी करत होती. ही माहिती गुन्हे शाखेला मिळाली, त्यानंतर गुन्हे शाखेच्या युनिट 6 चे वरिष्ठ पोलीस निरीक्षक रवींद्र साळुंखे यांच्या देखरेखीखाली एक पथक तयार करण्यात आले आणि त्या पथकाचे नेतृत्व एपीआय सचिन गावडे यांनी केले. हेही वाचा Crime: अल्पवयीन मुलीवर 40 वर्षीय व्यक्तीकडून बलात्कार, नंतर अटक करण्यासाठी आलेल्या पोलिसांवरही केला हल्ला

पोलिसांनी मूल विकत घेण्याच्या बहाण्याने नर्सशी संपर्क साधला आणि त्यानंतर सापळा रचून तिला मुलासह अटक केली. पोलिसांनी सांगितले की, या प्रकरणी आम्ही मुलाची सुटका करून त्याला सायन रुग्णालयात ठेवले आहे. मुलाची आई आणि मुलाची विक्री करण्याचे काम करणाऱ्या मध्यस्थांना अटक करून चौकशी केली जात आहे.

मुलाच्या खरेदी-विक्रीचे हे रॅकेट आहे की हे प्रकरण या दोघांपुरतेच मर्यादित आहे, याचा पोलीस तपास करत आहेत. हे रॅकेट असेल तर त्यात किती मोठे आणि किती लोक सामील आहेत. अशी कोणती मजबुरी होती की मुलाची आई एक लाख रुपयांना विकत होती, याचाही शोध पोलीस घेत आहेत.