Bhiwandi Crime: प्रेयसीला श्रीमंत असल्याचे भासवण्यासाठी करायचा चोरी, भिवंडी पोलिसांकडून अटक

आपल्या मैत्रिणीच्या कुटुंबावर श्रीमंत असल्याची छाप पाडण्यासाठी एका व्यक्तीने कथितपणे कार, बाईक आणि दागिने चोरले आणि ते आपलेच असल्याचे भासवले. मुलीच्या कुटुंबीयांनी त्याची संपत्ती पाहून लग्न ठरवले असताना भिवंडीतील (Bhiwandi) शांतीनगर पोलिसांनी त्याचा बेत हाणून पाडला आणि लग्नाआधीच त्याला अटक केली. आरोपी शिवसिंग बाबरी याने प्रेयसीला प्रभावित करण्यासाठी गुन्हे केले असून या सर्वांवर वेगवेगळ्या पोलीस ठाण्यात नोंद आहे. भिवंडीच्या डीसीपींनी अधिकाऱ्यांना आरोपी शोधण्यासाठी टीम तयार करण्यास सांगितले. त्यानुसार शांतीनगर पोलिसांनी एक पथक तयार करून आरोपींचा तपशील मिळवण्यास सुरुवात केली. हेही वाचा Sanjay Raut on BJP: शरद पवार यांनी भाजपबद्दल 25 वर्षांपूर्वीच सांगितलं, आम्हाला ते दोन वर्षांपूर्वी समजलं- संजय राऊत

बाबरी, ज्यांच्यावर दुचाकी, कार चोरी आणि चेन स्नॅचिंगचे सुमारे 11 गुन्हे दाखल आहेत, ते पोलिसांच्या रडारखाली आले. एका पोलीस अधिकाऱ्याने सांगितले, तो भिवंडीच्या टेमघर भागाजवळ येत असल्याचे आम्हाला समजले. तेथे आम्ही सापळा रचून त्याला अटक केली. तपासा दरम्यान आम्हाला समजले की त्याने आपण श्रीमंत असल्याचे दाखवण्यासाठी चोरी करण्यास सुरुवात केली. तो सीसीटीव्ही कॅमेऱ्यात कैद झाला आणि अधिक पैसे कमावण्याच्या त्याच्या हव्यासापोटी तो अडकला.  आम्ही 6.39 लाख किमतीच्या कार आणि बाईक जप्त केल्या आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)