Shiv Sena Criticism on BJP: देशात सुरु असलेल्या खुळचट,बुळचट प्रकारावरुन ऑलिम्पिकमध्ये 'पोरखेळ' प्रकारात सूवर्णपदक हमखास मिळेल, शिवसेनेचा टोला
तिला जिवे मारण्याची धमकी दिली. दहशतीखाली जगणाऱ्या त्या अबलेस झेड सुरक्षा द्यायला हवी होती. तसे का झाले नाही?, असेही सामना संपादकीयात म्हटले आहे.
राज्यात सुरु असलेल्या विविध घटनांवरुन शिवसेना (Shiv Sena) मुखपत्र दै. सामना (Saamana Editoria) संपादकीयातून भाजप (BJP) आणि अनेकांना टोला लगावण्यात आला आहे. शिवसेनेने भाजपला टोला लगावताना म्हटले आहे की, देशात सुरु असलेल्या खुळचट,बुळचट प्रकारावरुन ऑलिम्पिकमध्ये 'पोरखेळ' प्रकारात सूवर्णपदक हमखास मिळेल. जळगाव, मध्य प्रदेश, उत्तर प्रदेश, हिमाचल प्रदेश, कर्नाटक येथे भाजपच्या सहभागाने झालेल्या अन्याय, अत्याचाराबाब विविध मुद्द्यांचा उल्लेख करत शिवसेनेने भाजपला कोंडीत पकडण्याचा प्रयत्न केला आहे. वर दिल्यापैकी कुठल्याही घटनेच्या विरोधात रस्त्यांवर उतरून भाजपचे लोक निषेध करताना चुकूनमाकूनही दिसले नाहीत. हे सर्व नसते उद्योग त्यांनी फक्त महाराष्ट्रासाठीच राखून ठेवले आहेत, असा टोला शिवसेनेने भाजपला लगावला आहे.
सामना संपादकीयातील महत्त्वाचे मुद्दे
- नैदल अधिकारी शर्मा यांनी झालेल्या मारहाणीचं आम्ही समर्थन करत नाहीत, पण हे जे कोणी निवृत्त अधिकारी महोदय आहेत, त्यांनी राज्याच्या लोकनियुक्त मुख्यमंत्र्यांबाबत आक्षेपार्ह व्यंगचित्र सोशल माध्यमांवर फिरवून काय मिळवले? घटनात्मक पदावर बसलेल्या व्यक्तीचा सन्मान राखा, असे या महोदयांना नौदल सेवेत असताना कोणी शिकविले नव्हते काय?
- 'ज्या राज्यात राहता, कमवता, सुखाने जगता त्या राज्यातील नेत्यांविषयी काहीही वेडेवाकडे बोलता व त्यावर संतापून कोणी तुमचे मुस्काट फोडले तर त्यास अन्याय, अत्याचार, स्वातंत्र्यावर घाला वगैरे शेलकी विशेषणे वापरून राजकारण करता?
- सैनिकी पेशाला शर्मा यांनी जागून लडाखच्या सीमेवर 20 जवानांच्या हत्येस जबाबदार असलेल्या राष्ट्रपती, पंतप्रधान, संरक्षणमंत्र्यांच्याच राजीनाम्याची मागणी करायला हवी होती. (हेही वाचा, पृथ्वीराज चव्हाण यांनी शरद पवार यांची मदत घेतली तर बिघडले कुठे? सामना संपादकीयास महसूलमंत्री बाळासाहेब थोरात यांचे प्रत्युत्तर)
उत्तर प्रदेशात गोमांस प्रकरणात ज्या अखलाखची हत्या झाली, त्याचा मुलगाही देशाच्या लष्करातच सेवा बजावत आहे. भाजपशासित योगींच्या राज्यात ६४ वर्षांचे निवृत्त सैन्य अधिकारी कॅ. अमानुल्ला व त्यांच्या पत्नीची घरात घुसून जमावाने हत्या केली. त्याबद्दल पंतप्रधान, संरक्षणमंत्री साहेबांनी निवृत्त कॅप्टनच्या पत्नीस फोन करून चर्चा वगैरे केल्याचे वाचनात आले नाही. मागील चोवीस तासांत कर्नाटक, यूपीमध्ये चार पुजाऱ्यांचे खून झाले आहेत.
मुंबई पोलिसांचा अवमान करणाऱ्या नटीला ‘वाय-प्लस’ अशी जोरदार सुरक्षा व्यवस्था हिमाचल व केंद्र सरकारने दिली. पण हिमाचलातील कांगरा भागात एका विवाहित महिलेवर सात जणांनी सामुदायिक बलात्कार केला. तिला जिवे मारण्याची धमकी दिली. दहशतीखाली जगणाऱ्या त्या अबलेस झेड सुरक्षा द्यायला हवी होती. तसे का झाले नाही?, असेही सामना संपादकीयात म्हटले आहे.