Sharad Pawar On Ajit Pawar: काका-पुतण्याचा समझोता? शरद पवारांचं अजित पवारांबाबत मोठं वक्तव्य; म्हणाले, अजित पवार आमचेच नेते, राष्ट्रवादीत कुठलीही फूट नाही

Sharad Pawar On Ajit Pawar: राष्ट्रवादी काँग्रेसचे (NCP) अध्यक्ष शरद पवार (harad Pawar) नी मोठे विधान केले आहे. राष्ट्रवादी काँग्रेस नेते आणि उपमुख्यमंत्री अजित पवार (Ajit Pawar) मचे नेते असून पक्षात कोणतीही फूट पडली नसल्याचं पवार यांनी म्हटलं आहे. राष्ट्रवादीत कोणतीही फूट नाही. पक्षात फूट कशी पडते? राष्ट्रीय पातळीवरील मोठा गट पक्षापासून फारकत घेतो तेव्हा असे घडते, पण आज राष्ट्रवादीत तशी परिस्थिती नाही, असं स्पष्टीकरण शरद पवार यांनी दिलं आहे.

बारामतीत राष्ट्रवादीचे अध्यक्ष म्हणाले की, पक्षाच्या काही नेत्यांनी वेगळी भूमिका घेतली आहे, पण त्याला फूट म्हणता येणार नाही. लोकशाहीत ते हे करू शकतात. यापूर्वी शरद पवार यांच्या कन्या आणि लोकसभेच्या खासदार सुप्रिया सुळे यांनीही राष्ट्रवादीत फूट पडल्याचा इन्कार केला होता. शरद पवार हे राष्ट्रीय अध्यक्ष आणि जयंत पटेल हे महाराष्ट्राचे प्रदेशाध्यक्ष असल्याचं सुळे यांनी म्हटलं होतं. (हेही वाचा -INDIA Alliance Logo: 'इंडिया'च्या लोगोमध्ये दिसणार तिरंग्याचे तीनही रंग, मुंबईत तिसऱ्या सभेत होणार अनावरण

तथापी, सुप्रिया सुळे यांनी अनेकवेळा सांगितले आहे की, त्यांच्यात आणि अजित पवार यांच्यात कुटुंब म्हणून कोणतेही भांडण नाही. त्यांची विचारधाराही तशीच आहे. आमच्यापैकी काही जणांनी वेगळा निर्णय घेतला. मात्र, राष्ट्रवादीत अजिबात फूट पडलेली नाही. देशपातळीवर राष्ट्रवादी काँग्रेसचे अध्यक्ष शरद पवार असून महाराष्ट्राचे अध्यक्ष जयंत पाटील आहेत. त्यामुळे या दोघांच्या नेतृत्वाखाली आम्ही सगळे काम करतो, असंही सुप्रिया सुळे म्हणाल्या होत्या.

दरम्यान, अजित पवार आमच्या पक्षाचे ज्येष्ठ नेते आहेत. त्यांनी पक्षाच्या विरोधात काही भूमिका घेतल्यामुळे त्यांची तक्रार आम्ही विधानसभा अध्यक्षांकडे दिलेली आहे. त्यांच्या उत्तराची आम्ही वाट पाहत आहेत, असंही सुप्रिया सुळे यांनी माध्यमांशी बोलताना सांगितलं होतं.