Santosh Deshmukh Murder: संतोष देशमुख यांच्या कुटुंबास शरद पवार यांची भेट, उचलली मुलीच्या शिक्षणाची जबाबदारी

बीड जिल्ह्यातील मस्साजोग गावचे सरपंच संतोष देशमुख (Santosh Deshmukh Murder) यांची निर्घृण हत्या झाली. या हत्येने महाराष्ट्र हादरला. राज्य विधिमंडळाच्या नागपूर येथे झालेल्या हिवाळी अधिवेशनातही हे प्रकरण गाजले. राष्ट्रवादी काँग्रेस (SP) पक्षाचे नेते शरद पवार () यांनी याच देशमुख यांच्या कुटुंबीयांची आज भेट घेतली. कुटुंबाशी संवाद साधला आणि त्यांचे सांत्वन केले. त्यानंतर त्यांनी अत्यंत महत्त्वाचा निर्णय घेत संतोष देशमुख यांच्या मुलीच्या शिक्षणाची संपूर्ण जबाबदारी घेतली. गावकरी आणि कार्यकर्त्यांच्या उपस्थित त्यांनी ही घोषणा केली. तत्पूर्वी, त्यांनी देशमुख यांच्या कन्येला विचारले की, तुझी शिक्षणाची जबाबदारी घेतली तर तुझी शिक्षणासाठी बारामतीस येण्याची तयारी आहे काय? यावर तिने होकार दिल्यानंतर पवार यांनी हा निर्णय घेतला.

प्रकरणाचा सखोल तपास होणे आवश्यक

शरद पवार यांनी सरपंच संतोष देशमुख यांच्या कुटुंबाची भेट घेतल्यानंतर साधलेल्यासंवादावेळी ते म्हणाले, राज्य सरकारने या पीडित कुटुंबास काही मदत जाहीर केली आहे. पण, सरकार मदत मिळाल्याने कुटुंबाचे दु:ख कमी होत नाही. या हत्या प्रकरणाचा सखोल तपास होणे आवश्यक आहे. ज्यामुळे हे सर्व घडवून आणणाऱ्या सूत्रधाराला धडा मिळेल. अशा प्रकारच्या घटना समाजास न शोभणाऱ्या आहेत. देशमुख कुटुंबाला न्याय मिळालाच पाहिजे. त्यासाठी हत्येच्या खोलात जाऊन तपास होणे गरजेचे आहे. (हेही वाचा, Santosh Deshmukh Case: संतोष देशमुख हत्या प्रकरण, आतापर्यंत काय घडले? देवेंद्र फडणवीस सभागृहात काय म्हणाले?)

कुटुंबाच्या पाठीशी उभे राहण्याची गरज

शरद पवार यांनी पुढे बोलताना म्हटले की, आपण सर्वांनी संतोष देशमुख यांच्या कुटुंबाच्या पाठीशी उबे राहिले पाहिजे. अशा प्रकरणांमध्ये जर आपण सामूहिक प्रयत्नांची भूमिका घतली तर, आपल्याला कोणीही आडवू शकत नाही. मुलीच्या शिक्षणाची जबाबदारी आम्ही घेतली आहे. मुलांचं अपूर्ण राहिलेले शिक्षण आम्ही पूर्ण करु. गेलेला मणूस तर परत येणार नाही. जे झालं आहे ते आपल्याला बदलता येणार नाही. पण आपण कुटुंबाला धीर देऊ शकते, असेही पवार म्हणाले. (हेही वाचा, )Santosh Deshmukh Murder Case: संतोष देशमुख हत्या प्रकरणी चौथा आरोपी विष्णू चाटेला बीडमध्ये अटक

मुख्यमंत्र्यांचे सभागृहात निवेदन

सरपंच संतोष देशमुख हत्या प्रकरणाची महाराष्ट्रभर चर्चा झाली. राज्य विधिमंडळ अधिवेशनात तर विरोधकांसह सत्ताधारी पक्षाच्या आमदारांनीही हा विषय लावून धरला. ज्यामुळे मुख्यमंत्र्यांना त्यावर निवेदन करण्यावाचून गत्यंतर राहिले नाही. मुख्यमंत्र्यांनी आपल्या निवेदनात सांगितले की, या प्रकरणाची एसआयटी आणि निवृत्त न्यायाधीशांच्या अध्यक्षतेखाली असा दोन वेगवेगळ्या समित्यांद्वारे चौकशी केली जाईल. पुरावे आढळले आणि दोषी ठरले तर कोण कितीही मोठा, कोणाच्याही जवळाचा असला तरी, त्याची गय केली जाणार नाही. सर्वांना कायदा समान आहे. कठोर कारवाई करु. दरम्यान, मुख्यमंत्र्यांच्या निवेदनानंतरही हे प्रकरण शांत झाले नाही. विरोधी पक्षाचे आमदार आणि अनेक नेते मस्साजोग येथे जाऊन संतोष देशमुख यांच्या कुटुंबाची भेट घेत आहेत. शरद पवार यांनी आज घेतलेली भेटही त्यापैकीच एक होती.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)