Crime: सुरक्षा कंपनीच्या व्यवस्थापकाला महिला सुरक्षा रक्षकाचा विनयभंग केल्याप्रकरणी अटक
अंधेरी (Andheri) येथील न्यायदंडाधिकारी न्यायालयाने (Court) अलीकडेच एका सुरक्षा कंपनीच्या 50 वर्षीय आयटी व्यवस्थापकाला दोषी ठरवले. कंपनीत काम करणाऱ्या 33 वर्षीय महिला सुरक्षा रक्षकाचा विनयभंग केल्याप्रकरणी त्याला एक वर्षाची सक्तमजुरी आणि 10,000 रुपये दंडाची शिक्षा सुनावली.
अंधेरी (Andheri) येथील न्यायदंडाधिकारी न्यायालयाने (Court) अलीकडेच एका सुरक्षा कंपनीच्या 50 वर्षीय आयटी व्यवस्थापकाला दोषी ठरवले. कंपनीत काम करणाऱ्या 33 वर्षीय महिला सुरक्षा रक्षकाचा विनयभंग केल्याप्रकरणी त्याला एक वर्षाची सक्तमजुरी आणि 10,000 रुपये दंडाची शिक्षा सुनावली. नोव्हेंबर 2020 मध्ये सहार पोलिस ठाण्यात (Sahar Police Station) नोंदवलेल्या एफआयआरनुसार, पीडित महिला सुरक्षा रक्षक पुरवणाऱ्या कंपनीत काम करत होती. तक्रारदाराने पोलिसांना सांगितले की, जुलै 2019 पासून तिला आणि कंपनीत काम करणार्‍या इतरांना त्यांचे पगार मिळालेले नाहीत आणि फेब्रुवारी 2020 मध्ये त्यांना त्यांच्या नोकरीवरून काढून टाकण्यात आले.
तिने सांगितले की 2 नोव्हेंबर 2020 रोजी दुपारी तक्रारदार आणि इतर माजी कर्मचाऱ्यांना या विषयावर चर्चा करण्यासाठी गोरेगाव येथील त्यांच्या कार्यालयात येण्यास सांगितले होते. परंतु मालक हजर राहू शकला नाही आणि एफआयआर नुसार कंपनीचे व्यवस्थापक आरोपी हेमंत राणे याने तक्रारदाराला केबिनमध्ये येण्यास सांगितले. राणे त्यांच्या केबिनमध्ये एकटेच होते, असा आरोप तक्रारदाराने केला आहे.
एफआयआरनुसार त्याने तिचा डावा हात पकडला आणि तिच्या खांद्याला आणि पाठीला अयोग्यरित्या स्पर्श केला. घटनेनंतर लगेचच तिने केबिन सोडली आणि नंतर सहार पोलीस ठाण्यात जाऊन आयपीसीच्या कलम 354 अंतर्गत एफआयआर दाखल केला. या प्रकरणाचा तपास उपनिरीक्षक संदीप येसने यांनी केला आहे. हेही वाचा Nagpur: नागपुरमध्ये कचऱ्याच्या ढिगाऱ्यात सापडले पाच अर्भक, प्रकरणाचा तपास सुरू
राणे यांच्या विरोधात आरोपपत्र दाखल करण्यात आले आणि न्यायदंडाधिकार्‍यांसमोर पीडितेच्या जबाबाच्या आधारे गुन्हा दाखल करण्यात आला. पोलिसांनी सांगितले की तेथे सीसीटीव्ही कॅमेरा नव्हता परंतु त्यांनी केबिनबाहेर तिच्यासोबत उपस्थित असलेल्या तीन साक्षीदारांचे जबाब नोंदवले. सरकारी वकील अजीज शाह यांनी सर्व पुरावे न्यायालयात सादर केले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)