Samruddhi Expressway: समृद्धी द्रुतगती मार्गावरील अवजड वाहन चालकांच्या तपासणीसाठी होणार Breath Analyser चा वापर; मंत्री दादा भुसे यांची माहिती

गेल्या काही महिन्यांमध्ये समृद्धी द्रुतगती मार्गावर (Samruddhi Expressway) अनेक अपघात झाले असून, यामध्ये कित्येकजण मृत्युमुखी पडले आहेत. आता आज मंत्री दादा भुसे (Minister Dada Bhuse) यांनी गुरुवारी विधानसभेत सांगितले की, समृद्धी द्रुतगती मार्गावरील अवजड आणि सार्वजनिक वाहतूक वाहनांच्या चालकांच्या यादृच्छिक तपासणीसाठी श्वास विश्लेषकांचा (Breath Analysers) वापर केला जाईल. हिंदुहृदयसम्राट बाळासाहेब ठाकरे महाराष्ट्र समृद्धी महामार्ग नावाचा 'समृद्धी महामार्ग' हा मुंबई आणि नागपूरला जोडणारा 701किमी लांबीचा द्रुतगती मार्ग राज्यातील एक महत्वाच्या मार्गांपैकी समजला जातो.

हा मार्ग नागपूर, वाशिम, वर्धा, अहमदनगर, बुलढाणा, औरंगाबाद, अमरावती, जालना, नाशिक आणि ठाणे अशा दहा जिल्ह्यांतून जातो. साधारण 600 किमी लांबीच्या पट्ट्याचे बांधकाम पूर्ण झाले असून ते वाहतुकीसाठी खुले करण्यात आले आहे, तर नाशिक ते ठाणे दरम्यान उर्वरित 101 किमी लांबीच्या पट्ट्याचे काम प्रगतीपथावर आहे.

एक्स्प्रेस वेवरील वाढत्या अपघातांच्या संख्येवर विधानसभेत झालेल्या चर्चेदरम्यान काँग्रेस नेते पृथ्वीराज चव्हाण म्हणाले की, समृद्धी द्रुतगती मार्ग (गेल्या वर्षी डिसेंबरमध्ये) लोकांसाठी खुला झाल्यापासून अपघातात 110 लोकांचा मृत्यू झाला आहे. चर्चेला उत्तर देताना, सार्वजनिक बांधकाम (सार्वजनिक उपक्रम) मंत्री भुसे म्हणाले की, द्रुतगती मार्गावरील अवजड आणि सार्वजनिक वाहतूक वाहनांच्या चालकांच्या यादृच्छिक तपासणीसाठी श्वास विश्लेषकांचा वापर केला जाईल.

त्यांनी पुढे सांगितले की, हलक्या वाहनांसाठी ताशी 120 किमी आणि जड वाहनांसाठी ताशी 80 किमी वेग मर्यादा आहे. लेन-कटिंगला आळा घालण्यासाठी कडक पाळत ठेवली जाईल. यासह वाहतूक नियमांबाबत जनजागृती करण्यासाठी होर्डिंग्ज आणि फलक लावले जातील. दुसरीकडे, काळाच्या झालेल्या बैठकीतही, अपघातांचे प्रमाण कमी करण्यासाठी सर्व संबंधित विभागांनी रस्त्यांची तातडीने दुरुस्ती करीत ते सुस्थितीत आणावेत. अपघातांचे प्रमाण कमी होण्यासाठी आवश्यक त्या उपाययोजना कराव्यात, असे निर्देश मंत्री दादाजी भुसे यांनी दिले. (हेही वाचा: Road Safety: रस्ते सुरक्षितता वाढवण्यासाठी परिवहन विभागाने कंबर कसली; खाजगी बसेसची होणार कडक तपासणी, दैनंदिन लॉगबुक ठेवणे बंधनकारक)

दरम्यान, शहापूर येथील समृद्धी महामार्गाच्या तिसऱ्या टप्प्यातील गर्डर आणि त्याचे लाँचर कोसळून झालेल्या दुर्घटनेबाबत विरोधी पक्षांनी सरकारला जबाबदार धरले आहे. पुढील अपघाती मृत्यू टाळण्यासाठी सर्व खबरदारी आणि व्यवस्था केल्या जात नाही तोपर्यंत रस्ता वाहतुकीसाठी बंद ठेवावा, अशी मागणी त्यांनी केली आहे. बुधवारी विधानसभेत काँग्रेस सदस्यांनी दिवसाचे नियोजित कामकाज बदलून, सोमवारी 20 जणांचा बळी घेणार्‍या दुर्घटनेवर चर्चा करण्याच्या प्रस्तावासह सभापतींकडे संपर्क साधला तेव्हा हा मुद्दा उपस्थित झाला.