शिधापत्रिकाधारकाला 3 महिन्यांसाठी नियमित धान्यासोबतच प्रति महिना 1 किलो चणाडाळ किंवा तूरदाळ मोफत मिळणार - छगन भुजबळ

राष्ट्रीय अन्न सुरक्षा योजनेतील पात्र शिधापत्रिकाधारकाने नियमित स्वस्त धान्य खरेदी केल्यानंतर 1 किलो चणाडाळ किंवा तूरदाळ मोफत मिळणार आहे. यासाठी केंद्र शासनाकडून राज्याला प्रति महिना 16 हजार मेट्रिक टन डाळ उपलब्ध करून देण्यात येणार आहे. यासंदर्भात राज्याचे अन्न, नागरीपुरवठा व ग्राहक संरक्षण मंत्री छगन भुजबळ (Chhagan Bhujbal) यांनी माहिती दिली आहे.

पंतप्रधान गरीब कल्याण योजनेंतर्गत एप्रिल ते जून या 3 महिन्यांसाठी नियमित धान्यासोबतच प्रति महिना प्रति कार्ड 1 किलो चणाडाळ किंवा तूरदाळ मोफत वाटप केली जाणार आहे. या योजनेचा लाभ 7 कोटी लाभार्थ्यांना मिळणार असल्याचंही छगन भुजबळ यांनी सांगितलं आहे. कोरोना व्हायरसच्या पार्श्वभूमीवर राज्यात लॉकडाऊन पाळण्यात येत आहे. त्यामुळे नागरिकांना या काळात रेशन कार्डवर धान्यांचे वाटप करण्यात येत आहे. अशातचं आता 3 महिन्यासाठी शिधापत्रिकाधारकाला प्रति महिना 1 किलो चणाडाळ किंवा तूरदाळीचे वाटप करण्यात येणार आहे. सरकारच्या या निर्णयामुळे नागरिकांना मोठा दिलासा मिळाला आहे. (हेही वाचा - COVID19: मुंबईतील ऑर्थर रोड कारागृहातील 81 कैद्यांची कोरोना चाचणी पॉझिटिव्ह)

दरम्यान, रविवारी केंद्र शासनाच्या किमान आधारभूत किंमत भरड धान्य खरेदी योजनेअंतर्गत अन्न, नागरी पुरवठा व ग्राहक संरक्षण विभागाने महाराष्ट्रात मका व ज्वारी खरेदीचा निर्णय घेतला आहे. यासंदर्भात छगन भुजबळ यांनी माहिती दिली आहे. महाराष्ट्रात मका व ज्वारी खरेदीसाठी परवानगी देण्यात आल्यामुळे राज्यातील मका व ज्वारी उत्पादक शेतकऱ्यांना मोठा दिलासा मिळाला आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)