Pune to Sambhaji Nagar Expressway: आता पुण्यावरून संभाजीनगर अवघ्या 2 तासांत, तर नागपुर 4.5 तासांत; नव्या 225 किमीच्या एक्स्प्रेस वेला केंद्रीय मंत्रालयाचा ग्रीन सिग्नल
Road | Representational Image | (Photo Credits: Pixabay)

Pune to Sambhaji Nagar Expressway: पुणे ते संभाजीनगरला (Pune to Chhatrapati Sambhaji Nagar) जोडणाऱ्या नवीन एक्स्प्रेस वेला केंद्रीय मंत्रालयाने ग्रीन सिग्नल दिला आहे. सुमारे 22 महिने या प्रकल्पावर चर्चा सुरू होती. हे बीओटी (बिल्ड-ऑपरेट-ट्रान्सफर) फ्रेमवर्क अंतर्गत विकसित केले जाईल आणि तो केंद्रीय रस्ते वाहतूक आणि भारताच्या महामार्ग मंत्रालयाने सत्यापित केला आहे. हा 225 किमीचा प्रस्तावित एक्स्प्रेस वे पुणे ते संभाजीनगर दरम्यानचा प्रवास वेळ सध्याच्या 4-5 तासांवरून केवळ 2 तासांवर आणेल.

या एक्स्प्रेस वेमुळे प्रादेशिक कनेक्टिव्हिटीलाही चालना मिळणार आहे, कारण यामुळे प्रवाशांना नागपूर ते जालना समृद्धी महामार्ग आणि त्यानंतर संभाजीनंतर ते पुणे असा प्रवास सुमारे साडेचार तासात प्रवास करता येणार आहे. या प्रवासासाठी सध्या सुमारे 10:30 तास लागतात. अशाप्रकारे छत्रपती संभाजी नगर आणि पुणे दरम्यानचा आगामी एक्स्प्रेस वे महाराष्ट्रातील कनेक्टिव्हिटी आणि आर्थिक विकासाच्या एका नव्या युगाची सुरुवात करेल, अशी शक्यता वर्तवली जात आहे.

डिसेंबर महिन्यात केंद्रीय रस्ते वाहतूक मंत्री नितीन गडकरी यांनी लोकसभेत घोषणा केली होती की, तळेगाव-चाकण-शिक्रापूर उन्नत महामार्गासह हा द्रुतगती महामार्ग बांधण्याचा प्रस्ताव मंजुरीसाठी दिल्लीला सादर करण्यात आला आहे. 225 किमीचा एक्स्प्रेस वे एक सुरळीत आणि आरामदायी प्रवास प्रदान करण्याचे उद्दिष्ट ठेवत असून, पुणे ते छत्रपती संभाजीनगर दरम्यानचा प्रवास वेळ दोन तासांनी कमी होईल, अशी माहिती त्यांनी दिली. (हेही वाचा: Mumbai Coastal Road Project: मुंबई कोस्टल रोड प्रकल्पाचा पहिला टप्पा 8 दिवसांत सुरू होणार: Minister Uday Samant यांची माहिती)

जागतिक दर्जाचा ग्रीनफिल्ड एक्स्प्रेसवे, अंदाजे 10,000 कोटी रुपये खर्च करून, पश्चिम घाटातून मार्गक्रमण करेल, ज्यामुळे प्रवाशांना त्यांच्या प्रवासादरम्यान महाराष्ट्रातील नैसर्गिक सौंदर्याचा आनंद घेता येईल. अहवालानुसार, महाराष्ट्र इन्फ्रास्ट्रक्चर कॉर्पोरेशनला या प्रकल्पाच्या अंमलबजावणीची जबाबदारी सोपविण्यात आली आहे, ज्याला गृहनिर्माण आणि नागरी विकास महामंडळ (HUDCO) कडून 3 अब्ज रुपयांचे भरीव कर्ज देण्यात आले आहे.