Pune Bangalore Highway Accident: पुणे-बंगळुरू महामार्गावर भरधाव ट्रकची ट्रॅक्टरला धडक, दोघांचा जागीच मृत्यू

सातारा जिल्ह्यात (Satara) पुणे-बंगळुरू महामार्गावर (Pune Bangalore Highway) सोमवारी रात्रीच्या सुमारास ट्रक आणि ऊसाची वाहतूक करणाऱ्या ट्रॅक्टरमध्ये भीषण अपघात झाला आहे. या अपघातात ट्रॅक्टरमध्ये बसलेल्या महिलेसह एका पुरुषाचा जागीच मृत्यू झाला. तर ट्रकमधील एक जण जखमी झाला आहे. अपघाताची माहिती मिळताच स्थानिकांसह पोलिसांनी (Police) घटनास्थळी धाव घेतली. जखमीला उपचारासाठी रुग्णालयात दाखल करण्यात आलं आहे. अपघातातील मृतांची नावे समजू शकली नाही. (हेही वाचा - Panvel Accident: मानखुर्द येथे डंपरची भरधाव ऑटोरिक्षाला धडक, तिघांसह 9 महिन्याचं बाळ गंभीर)

ट्रक भरधाव वेगात पुण्याच्या दिशेने येत होता. या ट्रकने रात्रीच्या सुमारास लिंबेगावजवळ ऊस वाहतूक करणाऱ्या ट्रॅक्टरला जोरदार धडक दिली. ही धडक इतकी भीषण होती, की यामध्ये ट्रॅक्टरवर बसलेली महिला आणि पुरुष खाली पडले आणि त्यांच्या अंगावरून ट्रॉलीचे टायर गेले. या घटनेत पुरुषाचा जागीच मृत्यू झाला. महिला जखमी झाल्याने तिला उपचारासाठी रुग्णालयात दाखल केले, पंरतू डॉक्टरांनी तिला मृत घोषीत केले.

या अपघातात ट्रकमधील एकजण देखील जखमी झाला असून त्याच्यावर उपचार सुरू आहेत. याप्रकरणी रात्री उशीरापर्यंत गुन्हा दाखल करण्याचे काम सुरू होते.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)