Navi Mumbai Nerul Jetty: मुंबईकरांसाठी खुशखबर! बहुप्रतीक्षित नेरुळ जेट्टी येत्या दोन ते तीन महिन्यांत कार्यान्वित होणार; CIDCO ने दिली माहिती

Navi Mumbai Nerul Jetty: शहर व औद्योगिक विकास महामंडळाने (CIDCO) नेरुळ येथे जेट्टी (Nerul Jetty) बांधून दोन वर्षांहून अधिक काळ लोटला आहे मात्र अद्याप ती सुरु झाली नव्हती. आता माहिती मिळत आहे की, प्लॅनिंग एजन्सी येत्या दोन ते तीन महिन्यांत ही जेट्टी सुरू करण्याची शक्यता आहे. नवी मुंबई, मुंबई आणि मांडवा दरम्यान मोठ्या रोल-ऑन रोल-ऑफ (RO-RO) फेरीसाठी वापरण्यासाठी 110 कोटी खर्च करून डिसेंबर 2021 मध्ये ही जेट्टी बांधण्यात आली.

नवी मुंबई ते वाशी आणि मुंबई यांना जोडणाऱ्या रस्त्यांवरील वाहतूक कोंडी कमी करण्यासाठी ही जेट्टी फायद्याची ठरेल असा अंदाज आहे. सिडकोच्या एका वरिष्ठ अधिकाऱ्याने सांगितले की, ते दैनंदिन कामकाजाचे व्यवस्थापन करण्यासाठी ऑपरेटर नियुक्त करण्याच्या प्रक्रियेत आहेत. प्रक्रिया पूर्ण झाल्यानंतर, ऑपरेशन सुरू केले जाईल. ही संपूर्ण प्रक्रिया तीन महिन्यांत पूर्ण होण्याची शक्यता आहे.

पनवेल खाडीवरील उरण पुलाच्या दुसऱ्या बाजूला असलेली ही जेट्टी, विशेषत: मुंबई ट्रान्स हार्बर लिंकच्या उद्घाटनानंतर, नवी मुंबई ते वाशी आणि मुंबई यांना जोडणाऱ्या रस्त्यांवरील वाहतूक कोंडी कमी करण्यासाठी प्रस्तावित जलवाहतूक प्रणालीचा एक भाग म्हणून ते विकसित करण्यात आली आहे. (हेही वाचा: Ulwe Coastal Road: सिडकोला उलवे कोस्टल रोडसाठी 3,728 झाडांची तोड करण्यास मुंबई उच्च न्यायालयाची परवानगी)

एमटीएचएल सुरू झाल्याने नेरूळ जेट्टीवरून होणाऱ्या वाहतुकीवर याचा परिणाम होईल अशी भीती व्यक्त केली जात होती, मात्र एमटीएचएल आणि नेरुळ जेट्टी हे दोन्ही वाहतुकीचे वेगवेगळे मार्ग आहेत. लोक त्यांना जो सोयीस्कर वाटेल तो मोड वापरतील, असे सिडको अधिकाऱ्याने सांगितले. या जेट्टीवरील फेरीच्या तिकिटांची किंमत, वापरल्या जाणार्‍या बोटींची संख्या, वेळापत्रक आणि वेळ याशिवाय इतर निर्णय ऑपरेटरद्वारे घेतले जातील.