Cybercrime | (Photo credit: archived, edited, representative image

Mumbai Crime News: मायानगरी मुंबई. अनेकांच्या स्वप्नांतलं शहर. देशच नव्हे तर जगभरातील अनेकांच्या नजरा या शहराकडे लागलेल्या. त्यामुळे नोकरी, व्यवसाय, पर्यटन, दळणवळण, राजकारण, अर्थकारण आणि गुन्हेगारी या सर्वांचेच लक्ष या शहराकडे असते. अगदीर अंडर्वल्ड डॉनचे सुद्धा. त्यामुळे वेगवेगळ्या बाबतीत अव्वल असणारी ही मुंबई आता सायबर क्राईम (Cybercrime IN Mumbai) आणि ऑनलाईन फ्रॉड (Online Fraud) यांमध्येही अव्वल असल्याचे पुढे आले आहे. महाराष्ट्रातील सायबर गुन्हेगारीमध्ये प्राप्त झालेल्या तक्रारींची आकडेवारी पाहिली तर पाठिमागच्या तीन वर्षांमध्ये सर्वाधिक गुन्हे हे मुंबई शहरात दाखल झाले आहेत. मुबई शहरात नोंदवल्या गेलेल्या सायबर तक्रारी हेल्पलाइन 1930 आणि नॅशनल सायबर क्राईम रिपोर्टिंग पोर्टलद्वारे 70,904 तक्रारी दाखल झाल्या आहेत. सायबर गुन्ह्यांच्या तक्रारींमध्ये ठाणे, नवी मुंबई आणि मीरा-भाईंदर वसई-विरार पहिल्या सहा क्रमांकामध्ये म्हणजेच टॉप टेनमध्ये आहेत.

महाराष्ट्रात तीन वर्षांमध्ये एकूण सायबर गुन्ह्यांच्या 2,35,443 तक्रारी

सन 2021 ते मे 2024 या काळात संपूर्ण महाराष्ट्र राज्यातील पोलीस ठाण्यांमध्ये एकूण 2,35,443 सायबर क्राईम तक्रारी प्राप्त झाल्या. ज्याची सरासरी दरमहा 5,743 प्रकरणे अशी आहे. त्यापैकी18,792 तक्रारींचे प्रथम माहिती अहवालात (एफआयआर) रूपांतर करण्यात आले. ज्यात मुंबईतील 1546 तक्रारींचा समावेश आहे. यापैकी 1,694 प्रकरणे यशस्वीरित्या सोडवण्यात आली. सायबर पोलिसांनी केलेल्या तत्पर कारवाईमुळे फसवणुकीतून 223 कोटी रुपयांची वसुली झाली. या रकमेपैकी किमान 60 कोटी रुपये मुंबई शहरातील आहेत. सायबर गुन्ह्यांमध्ये राज्यभरात आतापर्यंत एकूण 3,464 फसवणूक आरोपींना अटक करण्यात आली. टाईम्स ऑफ इंडियाने याबाबत वृत्त दिले आहे. (हेही वाचा, Mumbai Cyber Police: बायकोपुढे शायनिंग मारण्यासाठी मुंबई पोलिसांची पासपोर्ट पडताळणी यंत्रणा हॅक, उचापतखोर नवऱ्यास अटक)

सायबर पोलिसांची सॉफ्टवेअर आणि हेल्पलाई अधिक प्रगत

उपमहानिरीक्षक (राज्य सायबर) संजय शिंत्रे यांनी माहिती देताना सांगितले की, 'गोल्डन अवर'मध्ये तक्रारी नोंदवल्यानंतर 223 कोटी रुपये वसूल करण्यात हेल्पलाइन आणि प्रगत सॉफ्टवेअर अधिक समावेश आहे. "ही आकडेवारी टीमचे प्रयत्न आणि सायबर गुन्हे कमी करण्यासाठी हेल्पलाइनचे यश यांच्यातील थेट संबंध अधोरेखित करतात," असे ते म्हणाले. (हेही वाचा, Mumbai Online Shopping Fraud: फक्त 660 रुपयांची कुर्ती पडली अडीच लाख रुपयांना; मुंबईतील तरुणीला ऑनलाईन शॉपींग महागात)

गेल्या वर्षी मे महिन्यापासून, नागरिकांना चांगल्या प्रकारे सेवा देण्यासाठी हेल्पलाइनमध्ये लक्षणीय सुधारणा करण्यात आल्या आहेत. MH डायल 1930 प्रोजेक्टचा भाग म्हणून हेल्पलाइन आता दररोज 2,500-3,000 कॉल हाताळते. तक्रारींचे प्रभावीपणे निराकरण करण्यासाठी आधुनिक अत्याधुनिक सॉफ्टवेअर आणि हार्डवेअर कार्यान्वित केले जात आहेत. बँडविड्थ वाढवण्यासाठी क्लाउड टेलिफोनिक सर्व्हर सादर केले गेले आहेत. ज्यामुळे अधिक लोकांना प्रभावीपणे सेवा दिली जाऊ शकते. याव्यतिरिक्त, अचूकपणे क्वेरी रेकॉर्ड करण्यासाठी, वेळेवर निराकरण सुनिश्चित करण्यासाठी आणि नोंदणीकृत तक्रारींचा पाठपुरावा करण्यासाठी कॉल व्यवस्थापन सॉफ्टवेअर खरेदी केले जात आहे, असेही सायबर पोलीस सांगतात.