उद्याचे हवामान महाराष्ट्र: कोकण, मराठवाडा, विदर्भ सह महाराष्ट्रात 10 ऑगस्टची पावसाची स्थिती काय?

प्रादेशिक हवामान केंद्र (RMC), मुंबई यांनी सोमवार, 10 ऑगस्टसाठी जाहीर केलेल्या इशारा नकाशानुसार, राज्यातील बहुतांश जिल्हे पावसाच्या इशाऱ्यापासून मुक्त असून, केवळ उत्तर महाराष्ट्र आणि उत्तर कोकणातील मोजक्या जिल्ह्यांत सतर्कतेचा इशारा देण्यात आला आहे. 10 ऑगस्ट साठी उत्तर महाराष्ट्रातील काही जिल्ह्यांत पावसाबाबत यलो अलर्ट देण्यात आला असून, राज्याच्या उर्वरित भागात कोणताही इशारा नाही.

महाराष्ट्र हवामान अंदाज: सोमवार, 10 ऑगस्ट

Heavy rainfall very likely to occur at isolated places over ghat area of North Madhya Maharashtra and districts of South Konkan-Goa. pic.twitter.com/rJnEMFZerX

— Regional Meteorological Center,Mumbai (@RMC_Mumbai) August 9, 2026

 महाराष्ट्र राज्यात मान्सून सक्रिय असून, कोकण किनारपट्टीवर पावसाची तीव्रता कायम राहण्याची शक्यता आहे. उर्वरित राज्यात हलक्या ते मध्यम स्वरूपाचा पाऊस अपेक्षित आहे.

कोकण विभाग  हवामान अंदाज

10 ऑगस्टला  मुंबई, ठाणे, पालघर मध्ये हलका ते मध्यम पाऊस, ढगाळ वातावरण कायम राहणार आहे. तर रायगड, रत्नागिरी, सिंधुदुर्ग मध्ये मध्यम स्वरूपाचा पाऊस सुरू राहण्याची शक्यता असून किनारपट्टी भागात सोसाट्याचे वारे वाहण्याचा अंदाज आहे.

मध्य महाराष्ट्र हवामान अंदाज

पुणे, नाशिक, कोल्हापूर, सोलापूर, अहिल्यानगर  मध्ये सोमवारी  तुरळक ते विखुरलेल्या स्वरूपाचा पाऊस बरसू शकतो. नाशिक, जळगाव, धुळे, नंदुरबार घाट परिसर मध्ये मेघगर्जना, विजांच्या कडकडाटासह हलका ते मध्यम पाऊस, 30-40 किमी/तास वेगाने वारे वाहण्याचा अंदाज आहे.

मराठवाडा  हवामान अंदाज

नांदेड, लातूर, बीड, जालना, परभणी, धाराशिव, हिंगोली मध्ये अनेक ठिकाणी पावसाची शक्यता आहे.  तुरळक ठिकाणी मेघगर्जना व विजांचा कडकडाट होण्याचा अंदाज आहे.

विदर्भ हवामान अंदाज

नागपूर, अमरावती, अकोला, वर्धा, चंद्रपूर, गडचिरोली मध्ये हलक्या ते मध्यम पावसाची शक्यता आहे. या भागात हवामान तुलनेने स्थिर आहे.

राज्यात गेल्या काही दिवसांपासून मान्सून सक्रिय असून, कोकण आणि उत्तर महाराष्ट्रातील जिल्ह्यांना वारंवार यलो आणि ऑरेंज अलर्टचा सामना करावा लागत आहे. RMC मुंबईकडून दररोज अद्ययावत केला जाणारा हा पाच दिवसांचा इशारा नकाशा शेतकरी, प्रशासन आणि सर्वसामान्य नागरिकांसाठी महत्त्वाचा मार्गदर्शक ठरतो. नागरिकांना अधिकृत आणि अद्ययावत माहितीसाठी IMD व RMC मुंबईच्या अधिकृत संकेतस्थळाला भेट देण्याचा सल्ला देण्यात आला आहे.

(The above story first appeared on LatestLY on Aug 09, 2026 03:01 PM IST. For more news and updates on politics, world, sports, entertainment and lifestyle, log on to our website latestly.com).