मुंबई: कांदिवली मध्ये गाय पडली गटरात; अग्निशमन दलाच्या जवानांनी केली सुटका
कांदिवली पश्चिम भागात आज सकाळी साडे सहाच्या सुमारास एक गाय गटारात पडल्याचं वृत्त समोर आलं आहे. मात्र मुंबई अग्निशामक दलाच्या जवानांनी प्रसंगावधान राखत त्या गायीची सुखरूप सुटला केली आहे.
मुंबईमध्ये पावसात रस्त्यांची चाळण झाल्याने अनेक अपघात झाल्याचं तुम्ही पाहिलं असेल. पण यंदा मुंबईमध्ये चक्क पादचारी रस्त्यावर उघड्या गटारात गाय पडून अडकल्याची माहिती समोर आली आहे. हा प्रकार मुंबईतील कांदिवली (Kandivali) भागात घडला आहे. अग्नीशामक दलाच्या जवानांनी सुरक्षितपणे या गायीला बाहेर काढले आहे. काल चांदिवली परिसरात रस्स्ता खचल्याची घटना समोर आली होती.
ANI Tweet
मुंबईमध्ये मागील तीन दिवसांपासून कोसळणार्‍या पावसामुळे मुंबईतील रस्स्त्यावर पाऊस कोसळत आहे. या पाण्याचा निचरा होण्यासाठी अनेकदा लोकं स्वतः हून मॅनहोल उघडी करतात. तर अनेक ठिकाणी पावसाळ्यात गटारावरील झाकणं खराब होतात त्यामुळे उघड्या राहिलेल्या गटारात पडून दुर्घटना होतात. मागील वर्षी अशाचप्रकारे एक डॉक्टर वाहून गेला होता.
मुंबईत पुढील 48 तास अतिवृष्टीचा इशारा देण्यात आला आहे. त्यामुळे मुंबईकरांना सतर्कतेचा इशारा देण्यात आला आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)