Mumbai: बेस्टची एक रुपयात प्रवास योजना 31 ऑगस्टपर्यंत वाढवली; मुंबईकरांच्या उदंड प्रतिसादानंतर प्रशासनाचा निर्णय
बेस्ट प्रशासनाने कालपासून चलो अॅपद्वारे दैनंदिन पास जारी करण्याचा निर्णय घेतला आहे. दैनंदिन पास योजनेंतर्गत, शहरातील कोणत्याही बस मार्गावर, नॉन-एसी बसचा वापर करून, फक्त 50 रुपये भरून अमर्यादित प्रवास करता येतो.
यंदाच्या अमृत महोत्सवी स्वातंत्र्य दिनानिमित्त सुरु करण्यात आलेल्या 'स्वातंत्र्य योजने'ला मुंबईकरांचा (Mumbai) मिळालेला उदंड प्रतिसाद लक्षात घेऊन, बॉम्बे इलेक्ट्रिक सप्लाय अँड ट्रान्सपोर्ट (BEST) उपक्रमाने 1 रुपयात पाच ट्रिप्स घेण्याची ही आकर्षक योजना योजना 31 ऑगस्टपर्यंत वाढवण्याचा निर्णय घेतला आहे. गेल्या 12 दिवसांमध्ये सुमारे 1 लाख मुंबईकरांनी 1 रुपये बेस्ट स्वातंत्र्य योजनेचा वापर केला आहे.
‘आझादी का अमृत महोत्सव' उत्सवाचा एक भाग म्हणून आणि डिजिटलायझेशनला चालना देण्यासाठी ही योजना 1 ऑगस्ट रोजी सुरू करण्यात आली होती. या उपक्रमांतर्गत प्रति तिकीट फक्त एक रुपये देऊन बेस्ट बसने कोणत्याही ठिकाणी प्रवास केला जाऊ शकतो. चलो अॅपच्या नवीन वापरकर्त्यांसाठी ही एक-वेळ योजना आहे. सात दिवसांच्या कालावधीसाठी, लाभार्थी कोणत्याही मार्गावरून कोणत्याही बेस्ट बसमधून पाच फेऱ्या घेऊ शकतात.
पूर्वी, ही ऑफर 15 ऑगस्टपर्यंत उपलब्ध होती, परंतु आता ती 31 ऑगस्टपर्यंत वाढवली आहे. बेस्टचे महाव्यवस्थापक लोकेश चंद्र म्हणाले, नवीन चलो वापरकर्ते 1 रुपयाचा पास डाउनलोड करू शकतात, जो एसी आणि नॉन-एसी बस अशा दोन्हीसाठी वैध आहे. ज्यामध्ये कोणत्याही लांबीच्या पाच फेऱ्या करता येतील. मुंबईतील लहान अंतराच्या प्रवासासाठी ही विद्यार्थ्यांची पहिली पसंती बनली आहे. (हेही वाचा: Mumbai-Pune Expressway प्रवास होणार सुरक्षित? 'Intelligent Traffic Management System'ने अपघातांना लागणार ब्रेक)
बेस्ट प्रशासनाने कालपासून चलो अॅपद्वारे दैनंदिन पास जारी करण्याचा निर्णय घेतला आहे. दैनंदिन पास योजनेंतर्गत, शहरातील कोणत्याही बस मार्गावर, नॉन-एसी बसचा वापर करून, फक्त 50 रुपये भरून अमर्यादित प्रवास करता येतो. नॉन-एसी बससाठी दैनंदिन पासची किंमत 60 रुपये आहे. सध्या, दैनंदिन पास फक्त कंडक्टरद्वारे जारी केला जातो, परंतु आजपासून, वापरकर्ते त्यांच्या फोनद्वारे देखील ते खरेदी करू शकतात. सध्या 33 लाख दैनंदिन प्रवाशांपैकी 22 लाख चलो अॅप वापरत आहेत आणि 3.5 लाख डिजिटल तिकीट सुविधा वापरत आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)