नवी मुंबई विमानतळासाठी एसटीच्या ई-शिवाई बस सुरू; बोरिवली, दादर, स्वारगेटवरून मिळणार सेवा, भाडे किती?

नवी मुंबई आंतरराष्ट्रीय विमानतळाची (Navi Mumbai International Airport) कनेक्टिव्हिटी अधिक सक्षम करण्यासाठी महाराष्ट्र राज्य मार्ग परिवहन महामंडळाने (MSRTC) बस सेवा सुरू केली आहे. बोरिवली, दादर आणि पुण्यातील स्वारगेट या तीन ठिकाणांवरून विमानतळासाठी बस उपलब्ध आहेत. ही सेवा ई-शिवाई या विद्युत बसद्वारे चालवली जात आहे. विमानतळ परिसरातील सार्वजनिक वाहतूक व्यवस्था विस्तारण्याच्या पहिल्या टप्प्याचा हा भाग आहे. नक्की वाचा: WhatsApp वर मेसेज करा, शिवनेरी बसचं तिकीट घरबसल्या मिळवा; MSRTC ची नवी सुविधा .

नवी मुंबई विमानतळासाठी एसटीच्या ई-शिवाई  चे प्रवासभाडे

नवी मुंबई आंतरराष्ट्रीय विमानतळाची कनेक्टिव्हिटी अधिक सक्षम

बोरीवली, दादर, स्वारगेट या तीन ठिकाणांवरून एसटी महामंडळाची बस सेवा सुरू

@msrtcofficial

#MSRTC

#MahaDGIPR https://t.co/9K0EvPCJnY

— MAHARASHTRA DGIPR (@MahaDGIPR) October 7, 2026

एसटी महामंडळाने जाहीर केलेले प्रवासभाडे पुढीलप्रमाणे आहे.

• बोरिवली ते नवी मुंबई विमानतळ: प्रौढ ₹२१०, मुले ₹१०५
• दादर ते नवी मुंबई विमानतळ: प्रौढ ₹१७०, मुले ₹८५
• स्वारगेट ते नवी मुंबई विमानतळ: प्रौढ ₹४५५, मुले ₹२३०

नवी मुंबई विमानतळासाठी एसटीच्या ई-शिवाई चा मार्ग आणि वेळ

दादर येथून सुटणारी बस सायन आणि अटल सेतूमार्गे विमानतळावर पोहोचेल. बोरिवलीहून येणारी बस मुंबई विमानतळाच्या टर्मिनल १ आणि वांद्रे येथून अटल सेतूमार्गे जाईल. या सेवा पहाटेपासून रात्री उशिरापर्यंत चालवल्या जाणार आहेत.

इतर वाहतूक सुविधा

विमानतळ प्रशासन इतर वाहतूक सुविधाही वाढवत आहे. नवी मुंबई विमानतळ आणि मुंबईतील छत्रपती शिवाजी महाराज आंतरराष्ट्रीय विमानतळ यांदरम्यान दर तासाला मोफत शटल सेवा सुरू केली जाणार आहे. नवी मुंबई महानगर परिवहन (एनएमएमटी) विमानतळासाठी सात स्वतंत्र मार्गांवर बस चालवते. हे मार्ग टर्मिनल १ ला खारकोपर, तरघर, बेलापूर, नेरूळ, पनवेल आणि खांदेश्वर या भागांशी जोडतात.

पुढील टप्पा

ठाणे आणि नाशिक येथून बस सेवा नोव्हेंबरच्या मध्यापर्यंत सुरू करण्याचे नियोजन आहे. विमानतळाचे हिवाळी वेळापत्रक २५ ऑक्टोबर २०२६ पासून लागू होणार आहे. त्या काळात प्रवाशांची संख्या वाढण्याची अपेक्षा आहे.

(The above story first appeared on LatestLY on Oct 08, 2026 01:28 PM IST. For more news and updates on politics, world, sports, entertainment and lifestyle, log on to our website latestly.com).