Monsoon 2020 Update In Mumbai: मुंबईत येत्या 48 तासात जोरदार पावसाची शक्यता, उद्या High Tide सुद्धा होणार, जाणून घ्या वेळ

मुंबई सह उपनगरात तसेच ठाणे, कल्याण डोंबिवली, कोकण, तळकोकण भागात आज पाऊस चांगलाच जोर धरून कोसळत होता. पुढील 48 तास सुद्धा हीच परिस्थिती कायम राहील असे अंदाज हवामान खात्याने वर्तवले आहेत. याशिवाय उद्या मुंबईत सकाळी 11 वाजून 38 मिनिटांनी समुद्रात भरती सहित उंच लाटा उसळणार असल्याचे सुद्धा सांगण्यात आले आहे.

Maharashtra Monsoon 2020| Image Used For Representative Purpose | Photo Credits: unsplash.com

Mumbai Monsoon 2020 Update: मुंबई (Mumbai) सह उपनगरात तसेच ठाणे (Thane), कल्याण डोंबिवली (Kalyan- Dombivli) , कोकण (Konkan), तळकोकण भागात आज पाऊस चांगलाच जोर धरून कोसळत होता. पुढील 48 तास सुद्धा हीच परिस्थिती कायम राहील असे अंदाज हवामान खात्याने वर्तवले आहेत. याशिवाय उद्या मुंबईत सकाळी 11 वाजून 38 मिनिटांनी समुद्रात भरती सहित उंच लाटा (High Tide) उसळणार असल्याचे सुद्धा सांगण्यात आले आहे. या लाटा 4.57 मीटर उंच असतील. या कालावधीत कोणीही समुद्र किनाऱ्याजवळ जाऊ नये असे आवाहन करण्यात आले आहे. Coronavirus Update: महाराष्ट्रात आज कोरोनाचे 6,364 नवे रुग्ण,198 मृत्यू; राज्यातील एकूण रुग्णांची संख्या 1,92,990 वर

आज मुंबईत ठिकठिकांणी झालेल्या पावसाने पाणी साचले होते. यात मध्य उपनगरातील सायन, माटुंगा, शिवाजी पार्क ते दक्षिण मुंबईमध्ये सीएसएमटी (CSMT) परिसरात पावसाने जोर धरलेला होता. यामुळे दादरच्या हिंदमाता (Hindmata) परिसरात वॉटर लॉगिंग पाहायला मिळाले होते. मुंबईतील नळ बाजार मधील गोल देऊळ येथे अतिमुसळधार पावसामुळे वॉटर लॉगिंग झाले आहे.

पहा ट्विट

#HighTideAlert @Indiametdept has forecasted extremely heavy rainfall at isolated places in Mumbai for the next 48 hours.
Also, there is a high tide of 4.57 metres at 11:38 AM tomorrow.
Citizens are requested to stay away from the sea shore.#MyBMCUpdates pic.twitter.com/KTgOtkoQqE
— माझी Mumbai, आपली BMC (@mybmc) July 3, 2020

दरम्यान, हवामान वेधशाळेने यापूर्वीच 3 आणि 4 जुलै ला मुंबई, ठाणे, पालघर सह कोकणाला मुसळधार ते अतिमुसळधार पावसाचा अंदाज वर्तवला होता. यामध्ये ढगांच्या गडगडाटासह, वीजा कडाडून पावसाची शक्यता वर्तवण्यात आली आहे.