Maharashtra Oath Ceremony: अखेर Eknath Shinde यांच्याबाबत चित्र स्पष्ट; गुरुवारी घेणार उपमुख्यमंत्रीपदाची शपथ- Reports

Maharashtra Oath Ceremony: भारतीय जनता पक्ष (BJP) विधिमंडळ पक्षाचे नेते देवेंद्र फडणवीस (Devendra Fadnavis) यांनी बुधवारी राज्यपाल सीपी राधाकृष्णन यांची भेट घेऊन महाराष्ट्रात नवीन सरकार स्थापन करण्याचा दावा केला. यानंतर राज्यपालांनी गुरुवारी सायंकाळी 5.30 वाजता नव्या सरकारच्या शपथविधीला मंजुरी दिली. यावेळी शिवसेना शिंदे गटाचे अध्यक्ष एकनाथ शिंदे (Eknath Shinde) राष्ट्रवादी काँग्रेस पक्षाचे अजित पवार गटाचे अध्यक्ष अजित पवार, केंद्रीय अर्थमंत्री श्रीमती निर्मला सीतारामन, गुजरातचे माजी मुख्यमंत्री विजय रुपाणी आदी उपस्थित होते. देवेंद्र फडणवीस हे महाराष्ट्राचे नवे मुख्यमंत्री होणार आहेत, मात्र एकनाथ शिंदे यांच्याबाबत सस्पेन्स होता. आता सूत्रांनी दिलेल्या माहितीनुसार एकनाथ शिंदे उद्या उपमुख्यमंत्रीपदाची शपथ घेणार आहेत.

महाराष्ट्रातील मुख्यमंत्र्यांबाबतचा सस्पेन्स संपल्यानंतर आता  उपमुख्यमंत्र्यांबाबतचा सस्पेन्सही संपला आहे. सूत्रांनी दिलेल्या माहितीनुसार, एकनाथ शिंदे यांनी अखेर होकार दिला आहे. त्यांनी गुरुवारी उपमुख्यमंत्रीपदाची शपथ घेण्याचे मान्य केले आहे. पत्रकार परिषदेत फडणवीस यांनी शिंदे यांना सरकारमध्ये सहभागी होण्याची विनंती केली होती. शिंदे यांनी निर्णय घेण्यासाठी सायंकाळपर्यंत थांबण्यास सांगितले होते. तत्पूर्वी, शिंदे यांचे आभार मानताना फडणवीस म्हणाले होते की, मी एकनाथ शिंदे यांना मंत्रिमंडळात राहण्याची विनंती केली आहे. मुख्यमंत्रीपद हा केवळ आमच्यातील तांत्रिक करार आहे. निर्णय घेण्यासाठी आम्ही एकत्र होते आणि पुढेही घेत राहू.

शिंदे म्हणाले की, अडीच वर्षांपूर्वी फडणवीस यांनी मुख्यमंत्रीपदासाठी माझ्या नावाची शिफारस केली होती. यावेळी आम्ही मुख्यमंत्री होण्यासाठी त्यांच्या नावाची शिफारस करतो. महाराष्ट्रात उद्या शपथविधी सोहळा होणार आहे. मुंबईच्या आझाद मैदानावर हा सोहळा पार पडेल. भाजप नेते प्रसाद लाड म्हणाले की, 42,000 लोकांचा सहभाग असलेला हा कार्यक्रम महाराष्ट्रासाठी ‘ऐतिहासिक क्षण’ असेल. पंतप्रधान नरेंद्र मोदी, नऊ ते 10 केंद्रीय मंत्री, 19 मुख्यमंत्री आणि उपमुख्यमंत्री देखील या कार्यक्रमाला उपस्थित राहणार आहेत. (हेही वाचा: अजित पवार, एकनाथ शिंदे उपमुख्यमंत्री पदाची शपथ घेणार का? शिंदेंआधी दादांनी दिलं उत्तर आणि सार्‍यांनाच हसू अनावर)

या कार्यक्रमासाठी 40,000 भाजप समर्थक आणि 2,000 व्हीआयपी यांच्यासाठी विशेष व्यवस्था करण्यात आली आहे. विविध धर्मातील प्रतिष्ठित व्यक्तींसाठी स्वतंत्र बसण्याची व्यवस्था करण्यात आली आहे. शपथविधी सोहळ्यासाठी कडेकोट सुरक्षा व्यवस्था ठेवण्यात आली आहे. मोठ्या प्रमाणात पोलीस बंदोबस्त तैनात करण्यात आला आहे. लिसांच्या पथकांकडून कडेकोट बंदोबस्ताची तयारी पूर्ण करण्यात आली आहे. पाच अतिरिक्त आयुक्त, 15 डेप्युटी एसपी, 700 अधिकारी आणि 3 हजारांहून अधिक पोलिस तैनात असणार आहेत. एसआरपीएफची 05 टीमही तैनात असेल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)