Maharashtra 'Mission Begin Again': महाराष्ट्रामधील लॉकडाऊन 31 ऑगस्टपर्यंत वाढवला; मुंबई, पुणे आणि इतर शहरांमध्ये मॉल व मार्केट कॉम्प्लेक्स उघडण्यास परवानगी, जाणून घ्या काय असेल सुरु

आज गृह मंत्रालयाने (MHA) अनलॉक 3 (Unlock 3) मार्गदर्शक तत्त्वे जारी केली. त्याद्वारे रात्रीच्या वेळी व्यक्तींच्या हालचालीवरील निर्बंध हटविले गेले आहेत. तसेच योग संस्था (Yoga Institutes) आणि जिम (Gymnasiums) 5 ऑगस्ट 2020 पासून उघडण्यास परवानगी दिली आहे. दुसरीकडे महाराष्ट्र सरकारने (Maharashtra Government) राज्यातील लॉक डाऊन (Lockdwon) 31 ऑगस्ट पर्यंत वाढवला आहे. मात्र मार्गदर्शक सूचनांनुसार मॉल्स व मार्केट कॉम्प्लेक्स उघडण्यास 5 ऑगस्टपासून, सकाळी 9 ते संध्याकाळी 7 पर्यंत परवानगी देण्यात आली आहे. परंतु, मॉल्स आणि मार्केट कॉम्प्लेक्समध्ये थिएटर, फूड कोर्ट आणि रेस्टॉरंट्स बंदच राहतील.

मुंबई महानगर क्षेत्रातील महानगरपालिकांसह बृहन्मुंबई, पुणे, सोलापूर, औरंगाबाद, मालेगाव, नाशिक, धुळे, जळगाव, अकोला, अमरावती आणि नागपूर याठिकाणी खालील गोष्टी सुरु राहतील.

एएनआय ट्वीट -

• अत्यावश्यक सेवांबाबतची सर्व दुकाने
• याआधी जारी केलेल्या नियमांनुसार अत्यावश्यक सेवेत नसणारी दुकाने सुरु राहतील.
• दारूच्या दुकानांना ज्या प्रमाणे याआधी परवानगी होती तशीच ती सुरु राहतील. ही सर्व दुकाने 9 ते 7 यावेळेत सुरु राहतील.
• 5 ऑगस्टपासून मॉल्स व मार्केट कॉम्प्लेक्स उघडण्यास परवानगी असेल. थिएटर, फूड कोर्ट आणि रेस्टॉरंट्स बंद असतील. मात्र फूड कोर्ट आणि रेस्टॉरंट्सची किचन्स सुरु राहतील, जिथून होम डिलिव्हरीच्या ऑर्डर पूर्ण केल्या जातील.
• ऑनलाईन शॉपिंगसंदर्भातील गोष्टी सुरु राहतील.
• सध्या खुले असलेले सर्व औद्योगिक युनिट्स कार्यरत राहतील.
• सर्व बांधकाम साइट्स (सार्वजनिक/खाजगी) ज्यास सुरु ठेवण्याची परवानगी आहे त्या कार्यरत राहतील. तसेच परवानगी असलेली मान्सूनपूर्व सर्व कामे (सार्वजनिक आणि खाजगी) सुरु राहतील.
• ऑनलाईन/अंतर शिक्षण आणि संबंधित गोष्टी
• सर्व शासकीय कार्यालये (आणीबाणी, आरोग्य आणि वैद्यकीय, ट्रेजरिज, आपत्ती व्यवस्थापन, पोलिस, एनआयसी, अन्न व नागरी पुरवठा, एफसीआय, एनवायवायके, मनपा वगळता) 15 टक्के स्ट्रेन्थ किंवा 15 कर्मचारी या तत्वावर सुरु राहतील.
• सर्व खाजगी कार्यालये 10 टक्के स्ट्रेन्थ किंवा 10 कर्मचारी या तत्वावर सुरु राहतील.
• स्वयंरोजगार असलेल्या लोकांशी संबंधित गोष्टी, जसे की प्लंबर, इलेक्ट्रिशियन, पेस्ट-कंट्रोल आणि तंत्रज्ञ यांना काम करण्यास परवानगी असेल.
• वर्कशॉप्स आणि गॅरेज हे पूर्ण नियोजित भेटीद्वारे सुरु राहतील.
• आऊटडोअर खेळ ज्यामध्ये संघाची गरज नाही असे गोल्फ, फायरिंग रेंज, व्यायामशाळा , टेनिस, बॅडमिंटन आणि मल्लखंब यांना 5 ऑगस्टपासून परवानगी देण्यात आली आहे.
• टॅक्सी, कॅबमध्ये 1+3, रिक्षामध्ये 1+2, चारचाकीमध्ये 1+3 परवानगी देण्यात आली आहे. मात्र प्रवाशांना मास्क अनिवार्य आहे. (हेही वाचा: केंद्र सरकारने जाहीर केली अनलॉक 3 ची मार्गदर्शक तत्त्वे; देशात 5 ऑगस्ट पासून सुरु होणार जिम, सिनेमा हॉलवरील बंदी कायम, जाणून घ्या सविस्तर)

अशा प्रकारे महाराष्ट्रामध्ये ‘मिशन बिगीन अगेन’द्वारे काही गोष्टींना परवानगी देण्यात आली आहे. दरम्यान, आज केंद्राने महत्वाचा निर्णय घेत, 5 ऑगस्ट 2020 पासून सर्व योग संस्था आणि व्यायामशाळा सुरू करण्याची परवानगी देण्यात आली आहे. या सर्व ठिकाणी आरोग्य मंत्रालयाने जारी केलेल्या मानक ऑपरेटिंग प्रक्रियेचे (SOP) पालन करणे बंधनकारक असेल. मात्र सिनेमा हॉल, स्विमिंग पूल, मनोरंजन पार्क, थिएटर, बार, सभागृह, असेंब्ली हॉल आणि अशा सर्व ठिकाणी बंदी असल्याचे सांगितले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)