Maharashtra CM News: 'देवेंद्र फडणवीस यांनाच मुख्यमंत्री करा'; BJP च्या महिला कार्यकर्त्यांनी PM Narendra Modi यांना रक्ताने लिहिले पत्र
याबाबत भाजपाच्या महिला आघाडीने पंतप्रधान नरेंद्र मोदींना रक्ताने पत्र लिहून देवेंद्र फडणवीस यांना मुख्यमंत्री करण्याची मागणी केली आहे.
महाराष्ट्रात विधानसभा निवडणुकीत (Maharashtra Assembly Elections) महायुतीचा (Mahayuti) मोठा विजय झाला आहे. निकाल घोषित होऊन 4 दिवस झाले तरी महाराष्ट्रात मुख्यमंत्रिपदासाठी अद्याप एकाही नेत्याच्या नावाची घोषणा झालेली नाही. नुकतेच काळजीवाहू मुख्यमंत्री एकनाथ शिंदे यांची पत्रकार परिषद झाली, ज्यामध्ये त्यांनी पीएम नरेंद्र मोदी आणि अमित शाह महाराष्ट्राचा मुख्यमंत्री कोण होईल, याबाबत जो निर्णय घेतील तो मान्य असल्याचे सांगितले. दुसरीकडे महायुतीत सहभागी पक्षाचे कार्यकर्ते आपापल्या नेत्यांना पाठिंबा देण्यासाठी वेगवेगळे डावपेच अवलंबत आहेत.
भारतीय जनता पक्षाच्या महिला कार्यकर्त्यांनी देवेंद्र फडणवीस (Devendra Fadnavis) यांना मुख्यमंत्री करा, अशी मागणी धरली आहे. याबाबत भाजपाच्या महिला आघाडीने पंतप्रधान नरेंद्र मोदींना रक्ताने पत्र लिहून देवेंद्र फडणवीस यांना मुख्यमंत्री करण्याची मागणी केली आहे. संभाजी नगरच्या भाजपच्या महिला कार्यकर्त्यांनी देवेंद्र फडणवीस यांना मुख्यमंत्री करण्यासाठी रक्ताने पत्र लिहिले आहे. यावरून देवेंद्र फडणवीस यांना मुख्यमंत्री करण्यासाठी महिला कार्यकर्त्यांमध्ये प्रचंड उत्साह असल्याचे दिसून येते.
निवडणुकीपूर्वी महायुतीने एकनाथ शिंदे यांना मुख्यमंत्री बनवण्याची चर्चा होती, मात्र आता प्रकरण थोडे उलटे झाल्याचे दिसत आहे. महाराष्ट्रात महायुतीला 239 जागा मिळाल्या आहेत. त्यात भाजपा 132 जागा मिळवत सर्वात मोठा पक्ष ठरला आहे. त्यामुळे आता एकनाथ शिंदे यांच्यासोबतच महायुतीकडून देवेंद्र फडणवीस यांच्याकडेही मुख्यमंत्रिपदाचे प्रबळ दावेदार म्हणून पाहिले जात आहे. (हेही वाचा: Eknath Shinde Press Conference: महाराष्ट्राचा मुख्यमंत्री निवडण्याचे सर्वाधिकार PM नरेंद्र मोदी आणि अमित शाह यांना- एकनाथ शिंदे)
दरम्यान, विधानसभा निकालानंतर राष्ट्रवादीचे अजित पवार मुख्यमंत्रिपदाच्या शर्यतीतून बाहेर पडले असून आता सर्वांचे लक्ष शिवसेनेचे एकनाथ शिंदे आणि भारतीय जनता पक्षाचे नेते देवेंद्र फडणवीस यांच्याकडे लागले आहे. पवारांनी देवेंद्र फडणवीस यांच्या नावाला आमची काही हरकत नाही असे म्हटले आहे. आता महायुतीच्या नेत्यांची पंतप्रधान मोदी आणि अमित शहा यांच्यासोबत बैठक होणार आहे. या भेटीतून काय निष्पन्न होणार याकडे राज्यातील सर्वांचे लक्ष लागले आहे.