Maharashtra Assembly Election 2024: प्रशासनात एकत्र, राजकारणात स्वतंत्र! महाराष्ट्र विधानसभा निवडणुकीपूर्वी BJP, Shiv Sena आणि NCP (AP) काढणार वेगवेगळ्या यात्रा

Maharashtra Assembly Election 2024: प्रशासनात एकजूट असली तरी, विद्यमान सरकारमधील तीनही पक्ष- भाजप (BJP), शिवसेना (Shiv Sena) आणि राष्ट्रवादी काँग्रेस-एपी (NCP- AP), राजकारणात विभागलेले दिसत आहेत. सरकारमधील निर्णय हे तीनही पक्ष एकत्र घेतात, मात्र जनतेवर आपली छाप पाडण्यासाठी ते स्वतंत्रपणे काम करतात. आता राज्यातील आगामी विधानसभा निवडणुका डोळ्यासमोर ठेऊन, तीनही पक्ष महाराष्ट्रात स्वतंत्र यात्रा काढणार आहेत. नुकत्याच जाहीर झालेल्या विविध योजनांमधून राजकीय फायदा मिळवण्यासाठी सरकारमधील तिन्ही भागीदार लवकरच राज्यभर तीन वेगवेगळ्या यात्रेला निघणार आहेत.

भाजपची संवाद यात्रा 9 ते 13 ऑगस्ट दरम्यान केवळ चार दिवसांची असली तरी. पक्षाची तालुका स्तरावर 750 अधिवेशने होणार आहेत. विविध जिल्ह्यांमध्ये आयोजित 69 संघटनात्मक अधिवेशनांना पक्षाचे तब्बल 36 नेते उपस्थित राहणार आहेत, अशी माहिती भाजपचे प्रदेश प्रमुख चंद्रशेखर बावनकुळे यांनी गुरुवारी दिली.

उपमुख्यमंत्री देवेंद्र फडणवीस नागपूर शहर, नागपूर ग्रामीण आणि अमरावती येथे अशा संमेलनांना उपस्थित राहणार आहेत, तर बावनकुळे वर्धा आणि भंडारा येथे भेट देतील. ‘आम्हाला राज्य आणि केंद्रातील मोदी सरकारने सुरू केलेल्या योजनांबद्दल लोकांशी संवाद साधणार आहोत,’ असे राज्यप्रमुख म्हणाले.

मुख्यमंत्री एकनाथ शिंदे यांच्या नेतृत्वाखालील शिवसेनेने मुख्यमंत्री माझी लाडकी बहिण सन्मान यात्रा जाहीर केली असून, त्याद्वारे राज्यभर महिलांचे मोर्चे काढण्यात येणार आहेत. पक्षाच्या प्रवक्त्या प्रा. मनीषा कायंदे म्हणाल्या की, पक्षाला महिलांना एसटी बसमध्ये प्रवास करताना 50 टक्के सवलत, उच्च शिक्षण घेणाऱ्या मुलींना मोफत शिक्षण, 800 अभ्यासक्रमांसाठी शिष्यवृत्ती आणि सरकारच्या इतर योजनांवर लक्ष केंद्रित करायचे आहे. रक्षाबंधनापूर्वी ही यात्रा संपेल, असे त्या म्हणाल्या. (हेही वाचा: Jitendra Awhad Attacked: राष्ट्रवादी- SP नेते जितेंद्र आव्हाड यांच्या गाडीवर हल्ला; संभाजी राजेंवर केली होती टीका, तपास सुरु)

राष्ट्रवादी काँग्रेस (अजित पवार) पक्ष आपल्या यात्रेद्वारे संपूर्ण राज्य व्यापणार आहे, असे पक्षाचे युवा नेते सूरज चव्हाण यांनी सांगितले. हा युवक विंगचा उपक्रम असणार आहे. येत्या 7 ऑगस्ट रोजी सुरू होणाऱ्या या यात्रेत उपमुख्यमंत्री अजित पवार मोठ्या शहरांमध्ये आणि रॅलींना संबोधित करण्यासाठी सहभागी होतील. ही यात्रा विदर्भातील चंद्रपूर येथून सुरू होऊन बांदा येथे समाप्त होईल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)