Identity Theft Case In Mumbai: मुंबई मध्ये 99 सीम कार्ड्स अ‍ॅक्टिव्ह करण्यासाठी आधार कार्डचा गैरवापर; MHB Colony पोलिस स्टेशन मध्ये 8 जणांविरोधात गुन्हा दाखल
99 सिमकार्डच्या विक्रीत आरोपींनी आधार कार्ड, फिंगरप्रिंट आणि अन्य ग्राहकांच्या वैध कागदपत्रांचा गैरवापर करून दूरसंचार कंपनीची फसवणूक केली.
मुंबई मध्ये MHB Colony Police ने 8 जणांविरोधात आधारकार्ड चा गैरवापर आणि संशयास्पद नागरिकांचे फिंगरप्रिंट्स घेतल्या प्रकरणी गुन्हा दाखल केला आहे. फ्री प्रेस जर्नलच्या माहितीनुसार, त्यांनी या माहितीच्या आधारे 99 सीम कार्ड्स अ‍ॅक्टिव्हेट केली आहेत. त्यानंतर ती बे कायदेशीर पणे विकली आहेत. या प्रकरणातील तक्रारदार हे मालाड (Malad) येथील एका टेलिकॉम कंपनीचे नोडल अधिकारी आहेत.
नोडल अधिकारी कायद्याची अंमलबजावणी करणार्‍या एजन्सींना माहिती देण्याच्या आणि दूरसंचार मंत्रालयाच्या मार्गदर्शक तत्त्वांचे पालन सुनिश्चित करण्यासाठी दूरसंचार कंपनीच्या कायदेशीर टीमशी संवाद राखण्यात महत्त्वपूर्ण भूमिका बजावतात. दूरसंचार विभागाने 7 जून रोजी दूरसंचार कंपनीला उत्तर प्रदेशातील जौनपूर येथील कोतवाली पोलिस ठाण्यात नोंदवलेल्या गुन्ह्याची माहिती दिली. या प्रकरणात मुंबईतील एका पॉईंट ऑफ सेल वरून 128 सिमकार्डची विक्री करण्यात आली होती.
तक्रारीमध्ये गुन्हेगारी कट रचणे, भारतीय दंड संहितेअंतर्गत फसवणूक करणे आणि माहिती तंत्रज्ञान कायदा, भारतीय टेलिग्राफ कायदा आणि भारतीय वायरलेस कायद्याच्या संबंधित कलमांचा समावेश आहे. नक्की वाचा: TAF-COP Portal: तुमच्या नावावर किती सीम कार्ड्स? याची अशी मिळवा माहिती .
विक्री झालेल्या 128 सिमकार्डपैकी 99 सिमकार्ड मुंबईतील एका कार्यालयाच्या POS द्वारे विकले गेले. या मोबाईल क्रमांकांच्या नोंदणी प्रक्रियेदरम्यान, POS एजंटांनी बोरिवली येथील कार्यालयाच्या नावाने अधिकृतपणे नोंदणीकृत डेमो क्रमांक वापरला. आरोपी एजंटांनी आधार कार्ड, फिंगरप्रिंट आणि इतर वैयक्तिक डेटा संशयित ग्राहकांकडून गोळा केला आणि फसवणूक करून सिम कार्ड अ‍ॅक्टिव्ह केले.
99 सिमकार्डच्या विक्रीत आरोपींनी आधार कार्ड, फिंगरप्रिंट आणि अन्य ग्राहकांच्या वैध कागदपत्रांचा गैरवापर करून दूरसंचार कंपनीची फसवणूक केली. भारतीय दंड संहितेच्या अनेक कलमांतर्गत त्यांच्यावर गुन्हा दाखल करण्यात आला आहे, ज्यात सामायिक हेतू पुढे नेण्यासाठी केलेल्या कृत्यांचा समावेश आहे. identity theft साठी फसवणूक करणे, मालमत्तेची डिलिव्हरी करणे, बनावट कागदपत्रे वापरणे, खोटी कागदपत्रे वापरणं याचा त्यामध्ये समावेश असल्याची माहिती देण्यात आली आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)