Amit Shah Maharashtra Visit: गृहमंत्री अमित शहा उद्यापासून दोन दिवसांच्या महाराष्ट्र दौऱ्यावर, नाशिकच्या त्र्यंबकेश्वर मंदिराला भेट देऊन करणार कार्यक्रमांचे उद्घाटन

केंद्रीय गृहमंत्री अमित शहा (Amit Shah) उद्यापासून दोन दिवसांच्या महाराष्ट्र (Maharashtra Visit) दौऱ्यावर आहेत. 20 आणि 21 जून रोजी ते महाराष्ट्रात राहतील. नाशिकच्या (Nashik) त्र्यंबकेश्वर मंदिरात ते देवतेचे दर्शन घेणार असून काही कार्यक्रमांचे उद्घाटन करणार आहेत. याशिवाय ते महाराष्ट्रातच आंतरराष्ट्रीय योग दिन साजरा करणार आहेत. अमित शहा उद्या दुपारी नाशिकच्या त्र्यंबकेश्वरला पोहोचणार आहेत. मंगळवारी सकाळी ते त्र्यंबकेश्वर मंदिरात देवाचे दर्शन घेणार आहेत. गृहमंत्री अमित शहा यांच्या आगमनाच्या पार्श्वभूमीवर नाशिक जिल्ह्यातील त्र्यंबकेश्वरमध्ये सुरक्षा व्यवस्थेची जोरदार तयारी सुरू आहे. या दोन दिवसीय महाराष्ट्र दौऱ्यात अनेक कार्यक्रमांचे उद्घाटन गृहमंत्री अमित शहा यांच्या हस्ते होणार आहे. अमित शाह हे त्र्यंबकेश्वर येथील अखिल भारतीय श्री स्वामी समर्थ सेवामार्गच्या गुरुपीठात येणार आहेत. श्री मोरेदादा चॅरिटेबल ट्रस्टच्या रुग्णालयाची पायाभरणीही ते करणार आहेत. पाच दिवसांपूर्वी पंतप्रधान मोदींच्या एकदिवसीय महाराष्ट्र दौऱ्यानंतर, सर्वांचे लक्ष अमित शहा यांच्या दोन दिवसीय महाराष्ट्र दौऱ्याकडे लागले आहे.

गृहमंत्र्यांची ही भेट अध्यात्मिक कारणाने होत असली आणि ते मंदिरात जाणार, देवाचे दर्शन घेणार असले, तरी ते महाराष्ट्रात पोहोचल्यावर विधानपरिषद निवडणुकीसाठी मतदान होणार आहे. नगरपालिकेच्या निवडणुका आणि अध्यक्षपदाच्या निवडणुकाही जवळ आल्या आहेत. अशा स्थितीत अमित शहांची ही भेट केवळ अध्यात्मिक कारणांसाठी होत आहे का? हा महत्त्वाचा प्रश्न आहे. (हे देखील वाचा: Sanjay Raut On Devendra Fadnavis: संजय राऊत यांचा विधानपरिषद निवडणुकीपूर्वी फडणवीसांवर हल्लाबोल)

आंतरराष्ट्रीय योग दिनानिमित्त अमित शहा राज्यात घालवणार वेळ

आंतरराष्ट्रीय योग दिनानिमित्त अमित शहा राज्यात उपस्थित राहणार आहेत. त्यांच्यासोबत विरोधी पक्षनेते देवेंद्र फडणवीस, काही राज्यमंत्री, भाजपचे अन्य नेते आणि विधानसभेतील पक्षाचे पदाधिकारी असतील. एप्रिल महिन्यात अखिल भारतीय श्री स्वामी सेवामार्गच्या सदस्यांनी दिल्लीला जाऊन गृहमंत्री अमित शहा यांची भेट घेतली आणि त्यांना येण्याचे निमंत्रण दिले. सेवामार्गचे हे निमंत्रण स्वीकारून गृहमंत्र्यांनी येण्याचे मान्य केले होते. त्याच आश्वासनाची पूर्तता करण्यासाठी देशाचे गृहमंत्री महाराष्ट्राच्या दौऱ्यावर येत आहेत. आंतरराष्ट्रीय योग दिनाच्या दिवशी ते त्र्यंबकेश्वर येथील समर्थ गुरुपीठ येथे उपस्थित राहणार आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)