Harish Gajwani Shot Dead: उल्हासनगर मध्ये युट्यूबर हरीश गजवानी ची गोळ्या घालून हत्या

ठाण्यात प्रदीप पूर्णेकरांच्या हत्येनंतर आता पुन्हा एकदा गोळीबाराची घटना समोर आली आहे. उल्हासनगरच्या कॅम्प क्रमांक 4 मधील रेल्वे स्थानक परिसरात बुधवारी संध्याकाळी झालेल्या गोळीबारात युट्युबर हरीश गजवानी (Harish Gajwani) यांचा मृत्यू झाला. रात्री सुमारे 8.30 वाजता ही घटना घडली. हल्लेखोराने जवळून गजवानी यांच्या डोक्यात दोन गोळ्या झाडल्या आणि घटनास्थळावरून पळ काढला. हा परिसर विठ्ठलवाडी पोलीस ठाण्याच्या हद्दीत येतो.

नेमकी घटना काय?

प्राथमिक माहितीनुसार, अज्ञात हल्लेखोर गजवानी यांच्याजवळ आला आणि त्याने त्यांच्यावर गोळीबार केला. दोन्ही गोळ्या डोक्यात लागल्याने गजवानी जागीच कोसळले. त्यांचा घटनास्थळीच मृत्यू झाला.

गर्दीच्या वेळी रेल्वे स्थानक परिसरात हा प्रकार घडल्याने रहिवासी आणि प्रवाशांमध्ये भीतीचे वातावरण पसरले. गोळीबारानंतर काही काळ परिसरात गोंधळ उडाला होता. Mad Sandhu Shot Dead: अमृतसर मध्ये पंजाबी इन्फ्लुएन्सर, मेकअप आर्टिस्ट 'मॅड संधू' यांची गोळ्या घालून हत्या .

वरिष्ठ अधिकारी घटनास्थळी

#WATCH | Thane, Maharashtra: DCP Sachin Gore said, "Gajwani died as a result of the firing. Three key questions have emerged regarding this incident. The underlying motive behind the attack remains unclear so far. Three investigative teams are currently probing the case. We will soon clarify the reason for the attack; the Thane City Crime Branch and the Vitthalwadi investigation squad are conducting a joint operation... Initially, there was a knife attack, and subsequently, the criminals fled the scene after firing two rounds."

— ANI (@ANI) October 15, 2026

घटनेची माहिती मिळताच उल्हासनगरचे पोलीस उपायुक्त सचिन गोरे आणि सहायक पोलीस आयुक्त शंकर अवताडे घटनास्थळी पोहोचले. विठ्ठलवाडी पोलीस आणि विशेष पोलीस पथकानेही तपासाला सुरुवात केली.

पोलिसांनी घटनास्थळी पंचनामा करून पुरावे गोळा केले. गजवानी यांचा मृतदेह शवविच्छेदनासाठी मध्यवर्ती रुग्णालयात पाठवण्यात आला.

सीसीटीव्ही फुटेजची तपासणी

हल्लेखोराची ओळख पटवण्यासाठी आणि तो कोणत्या मार्गाने पळाला हे शोधण्यासाठी पोलीस परिसरातील दुकाने आणि इमारतींमधील सीसीटीव्ही फुटेज तपासत आहेत. आरोपीचा शोध घेण्यासाठी शोधमोहीमही सुरू करण्यात आली आहे.

हत्येचे कारण अस्पष्ट

या हत्येमागील कारण अद्याप समोर आलेले नाही. जुने वैर, आर्थिक वाद किंवा अन्य कोणत्या कारणातून हा हल्ला झाला, याबाबत पोलिसांनी अधिकृत माहिती दिलेली नाही. हल्लेखोराची ओळखही अद्याप पटलेली नाही. सर्व शक्यता तपासून पाहिल्या जात असल्याचे पोलिसांनी सांगितले.

कायदा-सुव्यवस्थेचा मुद्दा पुन्हा चर्चेत

उल्हासनगरमध्ये यापूर्वीही गोळीबाराच्या घटना घडल्या आहेत. मे महिन्यात शहरातील कॅम्प क्रमांक 5 परिसरात झालेल्या गोळीबारात दोन भावांचा मृत्यू झाला होता. त्यामुळे गर्दीच्या सार्वजनिक ठिकाणी झालेल्या या ताज्या घटनेने शहरातील कायदा-सुव्यवस्थेबाबत पुन्हा चिंता व्यक्त होत आहे.

पोलीस हल्लेखोराची ओळख पटवणे, हत्येचा उद्देश शोधणे आणि घटनाक्रम निश्चित करणे यावर सध्या लक्ष केंद्रित करत आहेत. तपासातून नवीन माहिती समोर आल्यास ती अद्ययावत केली जाईल.

(The above story first appeared on LatestLY on Oct 15, 2026 10:38 AM IST. For more news and updates on politics, world, sports, entertainment and lifestyle, log on to our website latestly.com).