FIR Against Marathi TV Channel: मराठी टीव्ही चॅनलविरुद्ध गुन्हा दाखल; कॉपीराइटचे केले उल्लंघन- Reports
असोसिएटेड ब्रॉडकास्टिंग कंपनी प्रायव्हेट लिमिटेड, बोर्डाचे सर्व सदस्य, हेमंत शर्मा (न्यूज एडिटर), बरुण दास (सीईओ आणि मॅनेजिंग डायरेक्टर), टीव्ही9 मराठी वाहिनीचे भूषण खोत (बिझनेस हेड) आणि टीव्ही9 चे उमेश कुमावत (व्यवस्थापकीय संपादक) यांच्याविरुद्ध गुन्हा दाखल करण्यात आला आहे.
प्रसिद्ध वाहिनी टीव्ही9 मीडिया महाराष्ट्र प्रायव्हेट लिमिटेड (Tv9 Media Maharashtra Private Limited) विरुद्ध एफआयआर नोंदवण्यात आला आहे. कॉपीराइट नियमांचे कथित उल्लंघन केल्याप्रकरणी हा एफआयआर दाखल केला आहे. शेमारू एंटरटेनमेंट लिमिटेडचे डेप्युटी मॅनेजर विनायक जाधव यांनी 29 जून रोजी एनएम जोशी पोलीस ठाण्यात गुन्हा दाखल केला. टीव्ही9 या मराठी वाहिनीने आपले गाणे वापरून कॉपीराइट नियमांचे उल्लंघन केले आहे, असे तक्रारीत म्हटले आहे. फ्री प्रेस जर्नलने याबाबत वृत्त दिले आहे.
एफआयआरनुसार, टीव्ही9 मराठी वाहिनीने 2017 मध्ये शेमारू लिमिटेडच्या मालकीचे गाणे वापरून कॉपीराइट नियमांचे उल्लंघन केले होते. परिणामी शेमारू एंटरटेनमेंट लिमिटेडने त्याच वर्षी टीव्ही9 मराठी महाराष्ट्र प्रायव्हेट लिमिटेड विरुद्ध मुंबई उच्च न्यायालयात व्यावसायिक आयपी खटला दाखल केला. आयपी खटल्यादरम्यान, मुंबई उच्च न्यायालयाने टीव्ही9 मराठी महाराष्ट्र प्रायव्हेट लिमिटेडवर कॉपीराइट कायदा, 1957 अंतर्गत कारवाई करण्याचे तात्पुरते निर्देश दिले.
आता तक्रारदाराच्या म्हणण्यानुसार, बोर्ड सदस्य, व्यवस्थापकीय संपादक आणि टीव्ही9 मराठी महाराष्ट्र प्रायव्हेट लिमिटेडचे व्यवसाय प्रमुख यांना उच्च न्यायालयाच्या निर्देशाची माहिती होती. तथापि, 2 नोव्हेंबर 2022 रोजी, टीव्ही9 मराठी वृत्तवाहिनीने शेमारू एंटरटेनमेंट लिमिटेडचे कॉपीराइट केलेले गाणे परवानगीशिवाय वापरले. 'डिस्को डान्सर' चित्रपटातील 'जिमी जिमी आजा आजा' हे गाणे 'लोकल टू ग्लोबल' या कार्यक्रमाच्या टेलिकास्टमध्ये वापरण्यात आले. तक्रारदाराने टीव्ही9 मराठी वाहिनीवर आपले गाणे प्रसारित करून सुमारे 1 लाखांचा नफा कमावल्याचा आरोप केला आहे. (हेही वाचा: माजी कर्मचाऱ्याने लावला चूना, सांताक्रूझ येथील तनिष्क स्टोअर मध्ये ५४ लाख रुपयांची केली फसवणूक, पोलीसांकडून अटक)
शेमरू एंटरटेनमेंट लिमिटेडने एफआयआरसोबत गाण्याच्या कॉपीराइट कराराची प्रत सादर केली आहे. असोसिएटेड ब्रॉडकास्टिंग कंपनी प्रायव्हेट लिमिटेड, बोर्डाचे सर्व सदस्य, हेमंत शर्मा (न्यूज एडिटर), बरुण दास (सीईओ आणि मॅनेजिंग डायरेक्टर), टीव्ही9 मराठी वाहिनीचे भूषण खोत (बिझनेस हेड) आणि टीव्ही9 चे उमेश कुमावत (व्यवस्थापकीय संपादक) यांच्याविरुद्ध गुन्हा दाखल करण्यात आला आहे. कॉपीराइट कायद्याच्या कलम 63 आणि 69 तसेच आयपीसी कायद्याच्या कलम 34, 418 आणि 420 अंतर्गत हा गुन्हा दाखल करण्यात आला.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)