Enforcement Directorate | (File Image)

BMC COVID Jumbo Centre Scam: कोविड जंबो सेंटर घोटाळ्यातील (COVID Jumbo Centre Scam) मनी लाँड्रिंगच्या (Money Laundering) तपासात ED ने 1996 च्या बॅचचे अनुभवी IAS संजीव जयस्वाल (Sanjeev Jaiswal) यांना चौकशी एजन्सीच्या बॅलार्ड इस्टेट कार्यालयात जबाब नोंदवण्यासाठी बोलावले आहे. कोविड महामारीच्या काळात संजीव जयस्वाल हे बीएमसीचे अतिरिक्त महापालिका आयुक्त होते. ते सध्या महाराष्ट्र गृहनिर्माण आणि क्षेत्र विकास प्राधिकरणाचे (म्हाडा) उपाध्यक्ष आणि मुख्य कार्यकारी अधिकारी आहेत.

ईडीने बुधवारी संजीव जयस्वाल यांचे वांद्रे येथील निवासस्थान, शिवसेना पक्षप्रमुख उद्धव ठाकरे यांचे पुत्र आदित्य ठाकरे यांचे निकटवर्तीय सुरज चव्हाण यांचे चेंबूर येथील निवासस्थान आणि पाटकर यांचे सांताक्रूझ निवासस्थान यासह मुंबई आणि ठाणे विभागातील 15 ठिकाणी छापे टाकले. कोविड महामारीच्या काळात बीएमव्ही केंद्रीय खरेदी विभागाचे प्रमुख असलेले उपमहापालिका आयुक्त रमाकांत बिरादार यांचाही तपास एजन्सीने शोध घेतला. (हेही वाचा - Sanjay Raut On Thackeray Family Security: 'ते आम्हाला गोळ्या घालू शकतात किंवा तुरुंगातही टाकू शकतात'; ठाकरे कुटुंबाची सुरक्षा कमी केल्यानंतर संजय राऊत यांची प्रतिक्रिया)

दरम्यान, बुधवारी, ED ने कोविड जंबो सेंटर घोटाळ्याशी संबंधित व्यक्तींना लक्ष्य करत मुंबई आणि ठाण्यातील 15 ठिकाणी पहाटे एकाच वेळी छापे टाकले. या तपासात BMC अधिकारी आणि महाराष्ट्राचे मुख्यमंत्री उद्धव ठाकरे यांच्या निकटवर्तीयांचाही समावेश आहे. ईडीच्या पथकाने ठाण्याचे माजी महापालिका आयुक्त IAS संजीव जयस्वाल आणि राज्यसभा खासदार आणि शिवसेनेचे (UBT) प्रवक्ते संजय राऊत यांच्याशी जवळचे संबंध असलेल्या 14 जणांसह अनेक लोकांच्या घरांची झडती घेतली. नियंत्रक आणि महालेखा परीक्षक (CAG) ने महामारीच्या काळात प्रदान केलेल्या 12,000 कोटी रुपयांच्या BMC कंत्राटांमध्ये अनियमितता दर्शविल्यानंतर सुरू करण्यात आलेल्या चौकशीचा एक भाग म्हणून हे छापे टाकण्यात आले.

ईडीने सूरज चव्हाण यांच्या चेंबूर येथील निवासस्थानाची झडती घेऊन आदित्य ठाकरे यांच्या निकटवर्तीचाही तपास केला. याशिवाय, शिवसेना (यूबीटी) नेते संजय राऊत यांचे निकटवर्तीय सुजित पाटकर यांच्या सांताक्रूझ निवासस्थानालाही लक्ष्य करण्यात आले.