Coronavirus in Maharashtra: मुंबई, पुणे, नाशिक, सिंधुदुर्गसह महाराष्ट्रातील अन्य जिल्ह्यांत किती आहेत COVID-19 चे रुग्ण, जाणून घ्या आजचे ताजे अपडेट्स

महाराष्ट्रात कोरोना संक्रमितांच्या (Coronavirus) संख्येने उच्चांक गाठला आहे. दिवसेंदिवस कोरोना बाधितांची झपाट्याने वाढत जाणारी संख्या पाहता राज्यातील भयानक परिस्थितीचे चित्र समोर येत आहे. या पार्श्वभूमीवर ताज्या अपडेट्सनुसार, महाराष्ट्रात (Maharashtra) सद्य घडीला कोरोना संक्रमितांची एकूण संख्या 88,529 वर पोहोचली आहे. महाराष्ट्राचे आरोग्यमंत्री राजेश टोपे (Rajesh Tope) यांनी दिलेल्या माहितीनुसार, राज्यात काल (8 जून) 2 हजार 553 नव्या रुग्णांची भर पडली आहे. तर, 109 रुग्णांचा मृत्यू झाला आहे. आतापर्यंत एकूण 3,169 रुग्ण दगावले असून 40,975 रुग्णांनी कोरोनावर मात केली आहे. कोरोना विषाणूला महाराष्ट्रातून पळून लावण्यासाठी राज्य सरकारसह सर्व कोविड योद्धा अथक परिश्रम घेत आहेत.

महाराष्ट्रात सर्वाधिक कोरोना रुग्ण हे मुंबईत आहेत. मुंबईतील कोरोना रुग्णांची संख्या 50 हजार 85 वर पोहोचली आहे. यासंदर्भात मुंबई महानगरपालिकेने आपल्या ट्विटर हँडलवरून माहिती दिली आहे.

पाहूया मुंबई, पुणे, नाशिकसह महाराष्ट्रातील COVID-19 रुग्णांची जिल्हानिहाय आकडेवारी (8 जून ते 9 जून)

सध्या भारतात एकूण 2 लाख 56 हजार 611 कोरोनाबाधित रुग्ण आढळून आले आहेत. यापैकी 7 हजार 135 जणांचा मृत्यू झाला आहे. तर, 1 लाख 24 हजार 303 जण कोरोनामुक्त झाले आहेत. महाराष्ट्राच्या पाठोपाठ दिल्ली, तामिळनाडू, गुजरात, पश्चिम बंगाल मध्ये सुद्धा सर्वाधिक कोरोनाबाधित आढळले आहेत.

(The above story first appeared on LatestLY on Jun 09, 2020 08:43 AM IST. For more news and updates on politics, world, sports, entertainment and lifestyle, log on to our website latestly.com).