Coronavirus Rules in Maharashtra: महाराष्ट्रात पुन्हा लागू होणार कोरोना नियम? मुख्यमंत्री उद्धव ठाकरे आणि आरोग्यमंत्र्यांनी दिला 'हा' सल्ला
विशेष म्हणजे कोविडची वाढती प्रकरणे पाहता अनेक राज्यांनी मास्क नियम पुन्हा लागू करण्याचा निर्णय घेतला आहे.
Coronavirus Rules in Maharashtra: महाराष्ट्रात मास्क घालणे अनिवार्य केले जाऊ शकते. राज्याचे आरोग्य मंत्री राजेश टोपे (Health Minister Rajesh Tope) यांनी सांगितले की, कोरोना विषाणूच्या संसर्गाची प्रकरणे वाढल्यास मास्कचा नियम लागू केला जाईल. विशेष म्हणजे कोरोना महामारीच्या काळात बाधितांच्या संख्येच्या बाबतीत महाराष्ट्र हे सर्वाधिक प्रभावित राज्य ठरले आहे. शनिवारी राज्यात 155 नवीन रुग्ण आढळले आहेत. एएनआय या वृत्तसंस्थेनुसार, राजेश टोपे म्हणाले, 'कोविड-19 प्रकरणे वाढत राहिल्यास, आम्हाला मास्क घालणे अनिवार्य करावे लागेल. लसीकरणाचा वेग वाढवणे हे आमचे ध्येय आहे. मुलांचे लसीकरण होईल याची खात्री करण्यासाठी शक्य ते सर्व प्रयत्न करू.'
बुधवारी राज्याचे मुख्यमंत्री उद्धव ठाकरे (CM Uddhav Thackeray) यांनी लोकांना बाहेर पडताना मास्क घालण्याचे आवाहन केले होते. त्याच वेळी, 'साथीची चौथी लाट दारात येऊ नये' यासाठी खबरदारी घेणे आवश्यक असल्याचे ते म्हणाले होते. त्यांनी नुकतीच राज्यातील अनेक वरिष्ठ अधिकाऱ्यांसोबत आढावा बैठक घेतली. ते म्हणाले होते, 'कोविड-19 चा धोका अजून संपलेला नाही'. त्यांनी दावा केला होता की, 'चीनच्या वेगवेगळ्या शहरांमध्ये आधीच 400 दशलक्ष लोक आहेत, जे लॉकडाऊनचा सामना करत आहेत.' (हेही वाचा - CM Uddhav Thackeray on Raj Thackeray: भोंगेधारी, पुंगीधारी खूप बघितले, मुख्यमंत्री उद्धव ठाकरे यांची राज ठाकरे यांच्यावर जोरदार टीका)
विशेष म्हणजे कोविडची वाढती प्रकरणे पाहता अनेक राज्यांनी मास्क नियम पुन्हा लागू करण्याचा निर्णय घेतला आहे. केरळमध्ये बुधवारी पुन्हा सार्वजनिक ठिकाणी मास्क घालणे अनिवार्य करण्यात आले आहे. तेथे काही दिवसांपूर्वी संक्रमित लोकांची संख्या कमी झाल्याने निर्बंध शिथिल करण्यात आले होते.
दरम्यान, शनिवारी महाराष्ट्रात कोरोना विषाणूचे 155 नवीन रुग्ण आढळले आणि एका रुग्णाचा मृत्यू झाला. महाराष्ट्राच्या आरोग्य विभागाने सांगितले की, राज्यातील संसर्गाची प्रकरणे 78,77,732 वर पोहोचली आहेत आणि मृतांची संख्या 1,47,843 वर पोहोचली आहे.
(The above story first appeared on LatestLY on May 01, 2022 04:56 PM IST. For more news and updates on politics, world, sports, entertainment and lifestyle, log on to our website latestly.com).
